Samuelachem Dusrem Pustok - Chapter: 1
1 Sauluchea mornna uprant, David Amalekitancher zoit vhorun porot ailo ani Ziklag mhonnttat thoinsor don dis ravlo.
2 Tisrea disa aplim angavlim pinzun, ani aplê tokler mati ghalun Sauluchea zhuza manddant thaun êk tornatto thoim ailo. Davida sorxem ieun to zomnir sorpottlo.
3 Davidan taka vicharlem, ‘Tum khoim thaun ailai?’ Tannem zobab dilo, ‘Hanv Israelkaran-chea manddantlo pollun ailam.’
4 Davi-dan taka mhollem, ‘Kitem zalam? Upkar korun mhaka sang.’ Tannem zobab dilo, ‘Lôk zhuza mollavelo pollun gelo ani zaito lok morun poddlo. Toxench Saul ani tacho put Jonathanui mele.’
5 Davidan tea mon’xak vicharlem, ‘Saul ani Jonathan somple mhonn tum koso zannai?’
6 Tannem zobab dilo, ‘Hanv chukun, Gilboa dongrar pavun sorlom. Saulu aplea baleacher poddun aslo to hanvem pollelo. Ron’gadde ani goddesvar tachê pattik laglole.
7 Jedna tannem patt voll’lli, tedna tannem mhaka pollelo ani apnna-xim apoilo. Hanvem mhollem Ho polle, hanv asam.
8 Tannem mhaka vicharlem, Tum konn? Ani hanvem taka zobab dilo, Hanv êk Amalekit.
9 Tannem mhaka novean mhollem, Mhojer ubo rav ani upkar korun mhaka marun uddoi. Mhaka samko kollkollo suttla. Kiteak mhojê bhitor ozun jiv asa.
10 Mhonnttôch hanv ubo ravlom ani taka marun uddoilo karonn to mortoloch mhonn mhaka khatri zal’li. Tedna han-vem tachê toklevelo mukutt, ani tachea hatacho potto kaddlo ani teô vostu hanv mhojea dhonia-xim gheun ailam.’
11 Tedna Davidan aplem angavlem pinz-lem ani tachea sangatiamnim-i toxench kelem.
12 Tãnnim Saulu, Jonathan, Devachê porjê ani ak’khê morun gel’lea Israelachea ghorannea khatir dukh kelem ani sanz porian upas kelo.
13 Ti khobor gheun ail’lea tornnatteak Davidan vicharlem, ‘Tum khoim thaun ailai?’ Tannem zobab dilo, ‘Hanv êk Amalekit kullientlo iatrekar.’
14 Davidan taka vicharlem, ‘Sorvesporachea makh-loleacher hat ghalun tacho nas korunk tuka bhirant disli na?’
15 Tedna Davidan aplea chakrak apoilo ani mhollem, ‘Lagim sor ani tacho jiv kadd!’ Ani tannem taka marun uddoilo.
16 Davidan mhollem, ‘Tujem rogot tujea mathear poddum-di. Hanvem Sorvesporachea makhloleak marun uddoilo, oxi tujeach tonddant-lean tunvem govai dilea.’
17 Magir Davidan Sauluchi ani tachea puta Jonathanachi vakhann’nni keli oxi:
18 Judachea putank baleacho vapor korunk xikounchem mhonn adnia keli. (Hem Kaideachea pustokar nond kel’lem asa.)
19 Hôi, Israela, tujeach dograncher tuji vhoddvik marun uddoili! Te bollixtt monis koxe mhonn poddle zait?
20 Gathant hi khobor sanginakat. Ashkelonachea rosteancher porgôttum nakat. Na zalear Filistevkarancheô dhuvô khuxen uddna martoleô, Sunôt korunk nasloleancheô dhuvô sontosan murgott’toleô.
21 Gilboachea dongramnô, tumcher dôv vô pavs poddum naka, Visvasghatkea moidanamnô, Thoim bollvontanchea ddhalacho tumi tiroskar kela, Sauluchem ddhal telan obhixikt zaunk na.
22 Punn ghaiall zal’leanchea rogtan, zhuzareanchê chorben Jonathanacho balo portunk na Ani Sauluchi tolvar ritea hatamnim ieunk na.
23 Saulu ani Jonathan, mogache ani opurbaieche, jivitant toxem mornnant te doxim zaunk nant. Ghonni-von suddsuddit ani xinvam poros bollixtt te!
24 Israelachea dhuvamnô, Saulu pasot roddat! Tannem tumkam loklokit tambddea angvostramnim nhesoiloleô ani bhangara-xringaran tumkam nettoiloleô.
25 He vir-monis zhuz-loddai kortana koxe mhonn poddle?!
26 Jonathan, mhojea bhava, tuka lagun hanv soglloch khontin kollvolltam! Kitlo mhonn tum mhojea mogacho! Bailechea moga-von odik opurbaiecho mhozo tunvem môg kelai to!
27 Te vir-monis zhuz-loddai kortana koxe mhonn poddle?! ani zhuzachim hatiaram koxim mhonn mòddlim?!’
Samuelachem Dusrem Pustok - Chapter: 2
1 Hea uprant, Davidan Sorvesporak vicharlem, ‘Judachea khoincheai xarant hanvem vochum-ieta?’ Sorves-poran taka zap dili, ‘Voch.’ Davidan mhollem, ‘Khoim vochum?’ Sorvespo-ran mhollem, ‘Hebron xarant.’
2 David, aplea dogam-i bailank gheun Hebronant gelo. Dog-ui bailô mhollear; Jezreela-chim Ahinoam ani Karmelachea Nabala-chi vidva, Abigail.
3 Toxench aplea dôr-eka sangateak, tachea ghorannea soit, Davidan thoim haddle ani tãnnim Hebronachea xaramnim bhiradd kelem.
4 Tedna Judeia thaun kãi monis aile. Ani thoim tãnnim Davidak Judachea ghora-nneacher raza makhlo.
5 Ani tãnnim Davidak sanglem, ‘Jabesh Gileadachea lokamnim Sauluk nikhipila.’ Davidan Jabesh-Gileadachea lokam-xim sondexkar dhaddun tankam mhollem, ‘Tumi tumchea dhonia Saulu thaim moipas dakhoilo ani taka nikhipilo. Tea khatir Sorvespor tumcher axirvad ghalum.
6 Sorvespor tumchê thaim doia ani visvaxi mog dakhoum. Hi bori kornni kel’lê khatir, hanv tumchê sovem boreponn dakhoitolom.
7 Mhonnttôch tumche hat ghôtt korat ani bollvont zaiat. Kiteak Saulu tumcho dhoni melo ani Judachea ghorannean apnna voir mhaka raza makhlo.’
8 Neracho put Abner, Sauluchê foujent Senapoti mhunnon ud’do choloitalo. To, Sauluchea putak, Ishbaalak gheun Jordan nodi poltoddi, Mahanaim mhonnttat thoim gelo.
9 Thoim Abne-ran Ishbaalak Gilead, Asher, Jezreel, Efraim, ani Benjamin, ani ak’khea Israe-lacho raza kelo.
10 Razacho ud’do hatant ghetla tedna tachi pirai challis vorsam asli. Tannem don vorsam to ud’do choloilo. Punn Judachem ghora-nnem Davidak visvaxi aslem.
11 Tannem Hebrona voir sadde-sat vorsam rajvôtt choloili.
12 Abner, Neracho put ani Sauluchea puta Ishbaalache sevok Mahanaim thaun Gibeon xarant gele.
13 Zeruiacho put Joab ani Davidache sevok bhair sorle ani Gideonachê tolliê lagsar tankam mell’lle. Êk zomo tolliechea eka ordan boslolo zalear, dusro zomo tolliechea dusrea ordan boslo.
14 Abneran Joabak mhollem, ‘Amchea mon’xank utthum-di ani zhuzacho khell manddum-di.’ Joaban zobab dilo, ‘Tan-kam utthum-di.’
15 Te utthle. Tanchi meznni suru zali: Ishbaala vatten, Benjamin kullantle bara soinik ani Davi-dachea zomeantle bara.
16 Ek-ekan apnna add asloleachê gomttek hat ghalo ani borochbor apli torsad tachê kuxint romboili. Te borabor zomnir poddle. Hea khatir Gibeonant aslolê hê svatek ‘Hetkat Hasurim’ mhonn nanv poddlem.
17 Oxem zatôch tea disa khoddegant zhuz suru zalem. Ani Davidachea sevokam mukhar Abner ani Israelkar harovle.
18 Ani Zeruiache teg put; Joab, Abishai, Asahel thoim asle. Asahel, eka ran’votti merva porim turturit dhanvtalo,
19 To uzvean nhoi mhonn dhavean pollenastana Abnerachê fattik laglo.
20 Tedna Abner patt voll’llo ani mhollem, ‘Tum Asahel?’ Ani tannem zobab dilo, ‘Hôi, hanvuch to.’
21 Ani Abneran taka mhollem, ‘Tujea dhavean vô uzvean voch ani tuzo hat konnui eka mon’xacher ghal ani tachem hatiar kaddun ghe.’ Punn Asahelan tachi patt sôddlina.
22 Abneran taka anink êk pavtt sanglem, ‘Mhojea fattlean ievpachem sôddun di. Tuzo jiv kaddunk mhaka kiteak boll kortai? Magir, tujea bhavak Joabak hanv koxem tondd dakhoitolom?’
23 Punn Asahel kitench kelear aikunk toiar naslo. Tôr, dhanvta astanach Abneran aplo balo fattleantlean sôddun dilo. Ani to Asahelachea pottant aspas riglo. To zomnir xevttolo ani teach zagear somplo. Asahel morun poddlolo tea zagear pavtôch, soglle thamble.
24 Punn Joab ani Abishai, Abnerachê pattik lagle. Dis dharer poddchea vellar, Amachea dongrar te pavle. Ho dongor Gibeon oronneachê vattek asa.
25 Benja-minachea kullantlea mon’xamnim Abnera borabor êk pongodd ghoddlo ani dongrachea mathear ube ravle.
26 Abneran Joabak ulo marun mhollem, ‘Tolvar mon’xak sodankal girastoli? Hacho fuddarak vaitt porinam’ zatolo mhonn tuka khobor na? Tujê porjek tanchea bhavanchê fattik lagpachem sôddun di mhonn sangunk kitlo kall lagtolo?’
27 Ani Joaban mhollem, ‘Jivea Devachea nanvan sangtam. Tum ulounk nasloi zalear sokall porian aplea bha-vanchi pattik lagpachem lok soddun diuncho naslo.’
28 Tôr, Joaban kornno vazoilo, ani sogllo lok thamblo ani tãnnim Israelachi patt dhôrli na, nhoi mhonn tanchê kodde zhogoddle na.
29 Uprant Abner ani tache sangati, tê ak'khê rati tea mollavelean cholun, Jordan nôd utrun Bitron vattarantlean Maha-naim pavle.
30 Abnerachê pattik dhanv-pachem sôddun Joab portolo. Tedna tannem sogllea lokank ektthaim kelo tedna Davidache sevokantle ekunnis monis ani Asahel melo mhonn taka kollun ailem.
31 Benjamin kullantle ani Abnerachea mon’xantle tin’xim satt mon’xancho jiv kaddlo
32 ani tãnnim Asahelachi kudd ghetli ani Bethlehe-mant aslolea tachea bapaichê soma-dhint ti nikipili. Uprant Joab ani tache monis ak’khi rat cholun fantea pahrar Hebronant pavle.
Samuelachem Dusrem Pustok - Chapter: 3
1 Sauluchea ghorannea ani Davidachea ghorannea modem zaito kall zhuz zalem. David mozbut zait gelo ani Sauluchem ghorannem sovkas-sovkas osokt zait gelem.
2 Hebronan, Davidak he put zolmole: malgoddo Amnon, tachi avoi mhollear Jezreelachi Ahinoam.
3 Kileab, tachi avoi Karmelchea Nabalachi vidva, Abigail. Absalanv’, tachi avoi Geshur-chea raza Talmalachi dhuv, Maakah.
4 Adonija, tachi avoi mhollear, Haggith, Shefatia, tachi avoi Abital.
5 Ithream, tachi avoi Egla. He soglle put Hebro-nant zolmolole.
6 Sauluchea ani Davidachea ghorannea modem zhuz chalu astana Abneran apnnakuch Sauluchea ghoranneant vhôdd podvi zoddun ghetli.
7 Sauluchi êk naikin asli. Tichem nanv Rizpa. Ti Aiachi dhuv. Abner tichê-xim gelo. Ani Ishbaalan Abnerak mhollem, ‘Mhojea bapaichê naikini-xim kiteak tum gelai?’
8 Ishbaalachim utram aikun, Abner boroch uchamboll zalo. Tannem mho-llem, ‘Oslem kortub korunk hanv Juda-chem sunnem kitem? Aiz pasun tujea bapai, Sauluchea ghorannea, tachea bhavam ani ixttam mukhar hanvem visvaxiponn dakhoilam ani tumkam Davidachea hatant poddunk diunk na. Oxem astam-i hê ostorek lagun, tum mhojer arop ghaltai?
9 Saul ani tachê sonstintleanchea hatantlem raiponn kaddun ghetolom ani Davidak, Dan tem Beersheba porian, Israelacho toso Judeiacho raza kortolo mhunnon Sorvesporan Davidak dakhoilem. Atam, jem kitem Sorvesporan bhasailolem tem ghoddo sarkhem korunk hanv vavrina zalear, Dev mhojer moronn dhaddum!’
10 Saul ani tachê sonstintleanchea hatantlem raiponn kaddun ghetolom ani Davidak, Dan tem Beersheba porian, Israelacho toso Judeiacho raza kortolo mhunnon Sorvesporan Davidak dakhoilem. Atam, jem kitem Sorvesporan bhasailolem tem ghoddo sarkhem korunk hanv vavrina zalear, Dev mhojer moronn dhaddum!’
11 Ishbaal Abnerak bhielo. Ani tachea tonddantlem ekui utor bhair sorona zalem.
12 Abneran Davida-xim aple sondexkar patthoun mhollem, ‘Ho dês konnacho? Mhojê borabor êk koblat kôr. Ani ak'khem Israel tujê adhin korunk, hanv tuka mozot kortolom.’
13 Davidan mhollem, ‘Borem asa! Hanv tujê kodden korar korunk toiar asam. Punn êk ott asa. Sauluchê dhuvek Mikalak, mhojê-xim haddlea xivai, tuka mhojem tondd polleunk mellchem na.’
14 Teach borabor Davidan Ishbaalakui nirôp pattoilo sangun, ‘Mhoji ghorkarn Mikalak mhaka porot dhi. Xembôr Filistev-karancho jiv kaddun, hanvem ticho hat jikhun ghetlolo.’
15 Mhonnttôch, Ishbaalan tika, tichea ghorkara, Laisha-chea puta, Paltiel hachê sorxili porot haddli.
16 Ticho ghorkar, Bahurim nogrant legun roddot tiche fattafatt ailo. Punn Abneran taka sanglem, ‘Chol, voch!’ Ani to gelo.
17 Abneran Israelachea zannteam kodde gozal korun mhollem, ‘Zaito kall porian Davidak tumchê voir raza korunk tumi sôdtale.
18 Atam hem karia tumi purnn korat. Kiteak Sorvesporan Da-vida vixim oxem mhonllolem, Mhojea sevoka Davidachea hatantantlean, Israel mhojê porjek Filistevkaranchea ani sogllea dusmanachea hatantli, hanv tika vattaitolom. ’
19 Abneran Benja-minachea kulla lagim hich gozal keli. Israelak toxench Benjaminachea kullak boreak poddta tem ulounk, Abner Hebronant Davida-xim gelo.
20 Aplea vis sangateank gheun Abner Hebronant Davida-xim pavlo. Ani Davidan Abnerak ani tachê borabor aslolea mon’xank ek jevonn kelem.
21 Abneran Davidak mhollem, ‘Hanv utthun vetolom ani sogllê Israel porjek mhojea dhonia raza-xim ektthaitolom. Oxem ti tujê kodde koblat kortoli ani tum tujê khuxê pormannem ticher raj choloitolo.’ Davidan Abnerak dhaddlo ani to xantin aplê vattek laglo.
22 Davidache sevok ani Joab ghuri ghalun portole ani apnna borabor zaito lutticho mhal haddlo. Abner Davida borabor Hebronant naslo. Kiteak Davidan taka dhaddlolo ani to xantin aplê vattek laglolo.
23 Joab ani tachê borabor asloli tachi fouz aili tedna, tãnnim Joabak oxem kolloilem, ‘Neracho put Abner raza-xim ailolo ani tãnnim taka porot dhaddlo ani to xantin aplê vattek laglo.’
24 Tedna Joab raza-xim ailo ani mhollem, ‘Hem tunvem kitem kelem-i? Abner tujê-xim ailo. Kiteak mhonn tunvem taka porot dhaddlo?
25 Tum Nerachea putak Abnerak vollkhom naim? To tuka fottounk, tujeô akromonnacheô manddnniô zanna zaunk ani tum korta tem sogllem polleunk to ailolo.’
26 Joab Davida sorxilo koddsorlea up-rant, tannem aplea mon’xank dhaddun Abnerak sôdhun kaddunk, Abnera fattlean tannem aplea mon’xank dhaddle. Tãnnim taka Sirachê bãichê lagxilo porot haddlo. Davidak hi kãi khobor nasli.
27 Abner Hebronant pavlea uprant, tachê kodde apnnak kitem guptim uloupachem asa mhonn sangun, Joaban taka xarachea darvonttea-xim kuxin vhelo. Aplea bhava Asahelachea rogtacho bodlo gheunk, tannem tachea pottar dhopke marun, tacho khun kelo ani to melo.
28 Jedna hi khobor Davidachea kanar poddli, tedna tannem mhollem, ‘Sorvespora mukhar, hanv ani mhojem raj Abner, Nerachea putachea rogtacho guneanvkar nhoi.
29 Hi khast Joab ani tachea bapaichea ghorannea-cher thapun urum. Joabachea ghora-nneant sodanch piddest, kodd futtlole, thontte-longdde, tolvarin morun podd-lole ani bhukel’le monis asum.’
30 (Oxem Joaban ani tachea bhava Abishaian Abneracho jiv kaddlo. Kiteak tannem tanchea bhavak Asahelak Gideonachea zhuzant marun uddoilo.)
31 Tedna Davidan Joabak ani tachê borabor aslolea mon’xank mhollem, ‘Tumchim angvostram pinzat ani gonnan ang pangrun gheiat. Ani Abnera khatir dukh korat.’ David raza tirddê fattlean gelo.
32 Ani tãnnim Abnerak Hebronant nikhipilo. David Abnerachea fonddar mottean roddlo. Tachê fattlean hajir aslolea sogllea lokamnim dukham golloilim.
33 Abnerachea manak Davidan ho vilap kelo: Eka pixea porim Abner kiteak morunk zai aslo?
34 Tuje hat bandunk nant Ani tujea pãiak sanklli ghalunk nant Noxtteam mukhar zoso êk monis poddta, toso tum poddlo. Ani lok anink êk pavtt tachê khatir roddunk laglo.
35 Dis ozun darer poddunk na. Sogllo lok Davida-xim ieun Davidak jevunk boll kortalo. Davidan soput gheun mho-llem, ‘Dis darer poddchê adim, hanvem jevonn vô dusrem kitem-i hanvem chaklem zalear, Sorvespor mhojer mo-ronn dhaddum.’
36 Sogllea lokan hem pollelem ani tankam hem borem dislem. Raza kitem-i korta tem lokak borem dislem.
37 Tea disa, Nerachea puta Ab-neracho khun razan korunk na mhonn sogllea lokak ani Israelak kollun ailem.
38 Razan aplea sevokank mhollem, ‘Aiz Israelant êk kunvor ani êk mha-monis morun poddla mhonn tumkam khobor na?
39 Zor-ui hanv makhlolo raza, tor-ui aichea disa hanv oskot zalam. Ani he Zeruiachea putam lagim zhuzunk mhaka avghodd. Vaitt kortoleak Sorvespor vaittan farik korum.’
Samuelachem Dusrem Pustok - Chapter: 4
1 Abner Hebronant melo mhonn Sauluchea putan aikotôch, tache hat koddkoddle. Ak’khi Israel porza akantak sampoddli.
2 Sauluchea puta sangatim dog monis asle. Te foujeche odhikari asle; ekleachem nanv Bana ani dusreachem Rekha. Te Berut nograntle, Benjaminachea kullientle, Rimonache put. Ani Berot nograk, Benjaminachea vantteantle ek nogor mhonn hixobak dhôrtale.
3 Berotantle niz ravpi Gittai-mant pollun gel’le, ani aicho dis porian te thoim bhiradd korun asat.
4 Sauluchea puta Jonathanak êk put aslo To donui paiamnim longddo aslo. Jesreelant thaun Sauluchi ani Jonatha-nachi khobor aili tedna, to panch vor-sancho aslo. Tea vellim tachê chakor-nin taka ghetlo ani pollapôll kaddli ani ti uttavollin pollun vetana, bhurgo poddlo ani thontto zalo. Tachem nanv Meribbaal.
5 Berut nograntle Rimonache put, Rekab ani Baana bhair sorle ani don’parchea votan, Ishbaalachea ghora aile. Ishbaal aplê khattir, don’parcho visôv ghetalo.
6 Dar rakhpi ostori gonv nitoll kortali. Thoinch ti jemeunk lagli. Rekab ani tacho bhav Baana, choriam tichê kuxichean gele ani ghorant bhitor sorle.
7 Te nitt Ishbaalachê nhidpachê kuddint rigle. To sust nhidun poddlolo aslo. Tãnnim tacher hat ghalo ani tacho jiv kaddlo. Tachi gomtti katorli ani ti gheun Jordanantlê pãi vattentlean ak’khi rat cholun gele.
8 Tãnnim Ishbaalachi tokli Hebronant Davida-xim haddli ani taka mhollem, ‘Polle tuzo jiv kaddunk sôdtolea, tujea dusmana Sauluchea puta, Ishbaalachi tokli aiz Sorvesporan bodlo gheunchê khatir, Sauluk ani tachea ghoranneak, mhojea dhonia razachê adhin kele.’
9 Davidan Rekabak ani tachea bhava Baanak zobab diun mhollem, ‘Mhaka sogllea sonkoxttantlo nivarlolea jivea Devachea nanvan soput ditam
10 Apunn bori khobor gheun aila mhonn somzun, jedna konn-eklean mhaka mhollem, Polle Saulu melo, tedna hanvem taka dhôrlo ani Ziklagant marun uddoilo. Hê toren tannem haddlolê Bore khobrê khatir, hanvem inam’ dilo.
11 Tacheach ghorant, tachê khatir eka promannik mon’xak vaittove monis marun uddoitat tedna, tankam hachê von odik khast favo nhoi? Atam tumchea hatamnim kaddlolea rogtacho bodlo hanvem gheuncho nhoi? Ani tumkam hanvem dhortorevoile nattak korche nhoi?’
12 Ani Davidan aplea sevokank hukum’ ghalo ani tannem tankam marun uddoile, ani tanche hat ani pãi katorle ani Hebronachê tolliê voir lamboile. Punn tãnnim Ishbaalachi tokli ghetli ani Hebronant aslolea Abnerachê somadhint ti nikhipili.
Samuelachem Dusrem Pustok - Chapter: 5
1 Tea disamnim Israelachim sogllim kullam Hebron mhonnttat thoim Davida-xim ailim ani tãnnim taka sang-lem, ‘Polle, ami tujea masa-rogtachim.
2 Saulu amcher razvôtt choloitalo tedna, Israel porjecho tunvench samball keloi ani Sorvesporan tuka mhollem, Tum Israel Mhojê porjecho gonvlli ani fu-ddari zatoloi. ’
3 Israelache soglle zann-te Hebron mollar raza fuddeant aile ani Sorvespora hujir David razan tanchê kodde êk korar kelo; ani Davidacher tel ôtun tãnnim taka Israelacho raza kelo.
4 Xinvasonar choddlo tedna, Davidak tis vorsam aslim, ani challis vorsam tannem razvôtt choloili:
5 Hebronak Judacher sat vorsam ani sôv mhoine, ani Jerusaleak ak’khea Israelacher ani Judacher tet’tis vorsam.
6 Jerusalea jietolea Jebuzitancher guri ghalunk David ani tache monis vattek lagle; hãnnim Davidak bhenkddailo, ‘Tum hanga bhitôr sorchoch naim; kudd’dde ani pange tuka addaitole.’ Te oxem chint’tale, ‘David hanga kednanch bhitôr sorcho na!’
7 Toripunn Davidan Sionachem kott’tt aplea tabeant kelem; hem kott’tt mhollear Davidachem xar.
8 Tea disa Davidan mhollem, ‘Zo monis bogdantlean sôddun, Jebusitank ani David dvês kortolea thontteank ani kudd’ddeank marun uddoita, to fuddari zatolo. Tea pasot hi mhonn’ni aili, ‘kudd’dde ani thontte mondirant bhitor sorche nant.’
9 David kil’leant ravunk laglo ani taka ‘Davidachem Xar’ mhu-nnon nanv dilem. Millo thaun tea kil’lea bhonvtonnim tannem ek durig bandlem.
10 David odik-odik zoitivont ani podvedar zait vetalo kiteak Sorvespor, Dolbharancho Dev, tachê sovem aslo.
11 Hiram, Tirachea razan aple monis Davida-xim dhaddle. Toxench devdhar rukh, thovoi ani gonvdde. Ani tãnnim Davidak êk ghor bandlem.
12 Sorvespo-ran Israela voir apnnak raza nemla ani Israel aplê porjê khatir, apli razvôttki voir kaddlea mhonn, Davidak disun ailem.
13 Ani Hebronant thaun ietôch, Davidan apnnak Jerusaleantleô anink naikinnim ani bailô ghetleô. Davidak aninkui put-dhuvô zolmoleô.
14 Ani taka Jerusaleant zolmol’lea bhurgeanchim nanvam oxim: Shammua, Shobab, Nathan, Solomon,
15 Ibar, Elishua, Nefeg, Jafia,
16 Elisha-ma, Eliada, ani Elifelet.
17 Jedna Filistevkaramnim, Davidak Israela voir raza makhla mhonn aikolem, tedna soglle Filistevkar Davidak sodunk aile. Davidak hi khobor mell’lli tedna, to vochun kil’leant riglo.
18 Filistevkar aile ani te Refaimachea falkeant ximpoddle.
19 Davidan Sorvesporachi budh ghetli, ‘Hanvem Filistevkarancher akromon korchem? Tum tankam mhojê adhin kortoloi?’ Ani Sorvesporan Davidak mhollem, ‘Chol voch, kiteak dubha-vavinn Hanv Filistevkarank tujê adhin kortolom.’
20 Tôr, David Baal Perazim mhonnttat thoim gelo ani Davidan tankam thoim marun uddoile ani mhollem, ‘Zoxem udkachea bollan band moddun, udok ghosghoxean vhanvta, toxem mhojê mukhar, Sorvesporan mhojea dusmanank kelem.’ Ani hea pasot tea zageak Baal Perazim mhonn nanv ghalem
21 Filistevkar pollun vetana, te aplea devancheô murteô fattim sôddun gele. David ani tache monis, teô gheun gele.
22 Uprant Filistevkar anink êk pavtt aile ani Refaimachea falkean ximpoddle.
23 Davidan Sorvesporak vichar kelo tedna tannem mhollem, ‘Tum fuddlean thaun vechonaim. Punn fattlean thaun, tankam veddho ghal ani balsomchea rukham mukhar thaun tancher akro-monn korchem.
24 Jedna zhaddancher thaun tujea kanar foujechea ienneacho avaz poddtolo, tedna tum ghuri ghalunk fuddem sor. Kiteak, Filistevkar fouje-cher zoit vhorunk hanv tujea fuddem vetolom.’
25 Sorvesporan formail’lem toxem Davidan kelem. Ani, Filistevka-rank Geba thaun Gezer porian Filistev-karank marun uddoile.
Samuelachem Dusrem Pustok - Chapter: 6
1 Davidan anink êk pavtt, Israelantlea boreantlea soinikank ektthaim kele. Tancho ankddo tis hozar aslo.
2 To tankam gheun Sorvesporachi Arkpett haddunk, Judachea Baala nogrant gelo. Hê Arkpettek ‘Kerubincher dovorlolo Dolbharancho Sorvespor’ mhonnttat.
3 Tãnnim Sorvesporachi Arkpett ekê novê gaddier ghali ani Gibeant aslolea Abina-dabachea ghorantlean ti bhair kaddli. Ani Abinabadache put Uzza ani Ahio, tê gaddiek margdorxon ditale.
4 Uzza Arkpettechê bazuk choltalo ani Ahio, tichê fuddlean aslo.
5 David ani Israe-lachem ak'khem ghorannem Sorvespora mukhar vennu, sitaram, ghumttam, xin-gam, ani kannsalleanchea tallar nach-talim ani gaitalim.
6 Te Nakonachea bat mollpachea follar pavtôch, Uzzan aplo hat fuddem ghalun, Sorvesporachi Arkpett ghôtt dhôrli, kiteak boilamnim ti haloil’li.
7 Ani Sorvesporacho rag Uzzacher pettlo ani Sorvesporan tachê chukik khast laili ani to thoinch Sorvesporachê Arkpetti lagsar morun poddlo.
8 Sorvesporan Uzzacher hem noxtt haddlem dekhun, Davidak rag ailo. Hea khatir hê svatek, aiz porian ‘Perez Uzza’ mhonnttat.
9 Tea disak, Davidak Sorvesporachi bhirant disli. Ani tannem mhollem, ‘Sorvesporachi Arkpett mhoji koxi zatoli?’
10 Mhonnttôch, Sorvesporachi Arkpett, Davidachea xarant vhorona zaunk, Davidan tharailem. Ani tannem ti kuxin vhorun, Gathachea Obed Edom’ hanchea ghorant dovorli.
11 Ani Sorvesporachi Arkpett tachea ghorant tin mhoine urli ani Sorvesporan Obed Edomacher ani tachea kuttumbacher Aplo axirvad ghatlo.
12 Konnem tori Davidak sanglem, ‘Sorvesporachê Arkpettek lagon, Sorvesporan Obed Edoma-chea ghoracher ani tachê kodde asa titleacher axirvad ghalo.’ Tedna David gelo ani Obed Edomachea ghorantli Arkpett khuxalkaien Davi-dachea xarant haddli.
13 Sorvesporachi Arkpett khandar marpi sov panvlam choltôch, Davidan êk paddo ani êk tonntonnit xelli marun iôdn bhettoilo.
14 Ani, aplea penkttak sonni penktta-rumal bandun, David sogllea aplea bollan Sorvespora mukhar nachlo.
15 Hê porim Davidan ani ak’khea Israelan turtu-rechea avazan ani vhodda ghonngho-nnan Sorvesporachi Arkpett haddli.
16 Sorvesporchi Arkpett Davidachea xarant aili toxi Sauluchê dhuven Mikalan zonelantlean nodor marli ani David raza Sorvespora mukhar, nachun uddna marta to pollelo. Ani tika Davi-dacho rag ailo.
17 Uprant Sorvespo-rachi Arkpett vheli ani Davidan ubar-lolea Tombunt êkê kherit svater ti do-vorli; magir Davidan Sorvesporak hom’ ani xantiche iodn bhettoile.
18 Hom’ ani xantiche iodn bhettoun zatôch, Dol-bharanchea Sorvesporachea Nanvan Davidan porjek axirvad dilo.
19 Rok-ddench sogllê porjek, Israelachê sogllê urponjik, dadleank toxem bailank, zonn-ekleak êk-êk unddo ani toxench êk masacho kuddko ani pasanchi bhakri vanttli. Uprant sogllim ap-aplea ghora gelim.
20 Tea uprant, aplea ghoranneacher axirvad ghalunk, David ghora portolo. Sauluchi dhuv Mikal Davidak mellunk bhair aili ani tinnem mhollem, ‘Aiz Israelacho raza kitlo mhoimen bhorla diso! Zoso ganvtti monis apli loz soddun, apnnakuch vingllo korta, toxem aiz razan aplea chakornim mukhar apnnak vingllo kelo.’
21 Davidan Mikalak mhollem, ‘Hanv Sorvespora mukhar nachlom. Tannem mhaka Israel, Sorvesporachê porjê voir raz cholounk, tujea bapai ani sogllea ghorannea mukhar vinchun kaddlo. Mhonnttôch, hanv Sorvespora mukhar gaitolom.
22 Hanv Sorvesporak hachê-von odik man ditolom ani mhojea dolleam mukhar mhakach lhan kortolom. Ani tunvem ulekh kel’lea chakornim mukhar mhaka man melltolo.’
23 Mhonnttôch Sauluchê dhuvek, tichea mornna disa porian bhurgem zolmolem na.
Samuelachem Dusrem Pustok - Chapter: 7
1 Ekdam David sovostkaien aplea ghora ravunk laglea uprant ani Sorvesporan taka bhonvtonnchea sorv dusmananchea hatantlo rakhlea uprant,
2 razan Nathan provadiak mhollem, ‘Polle devdar-rukhachea lankddan band-lolea ghorant hanv jietam, punn Devachi Arkpett eka tombunt ravta.’
3 Nathanan razak oso zobab dilo, ‘Chol-voch ani tujea monant asa tem sogllem kôr, kiteak Sorvespor tujê sovem asa.’
4 Punn têch rati Sorvesporachem utor Nathanak ailem:
5 ‘Voch ani Davidak, Mhojea sevokak, sang, Mhaka ravunk tum ek ghor bandunk sôdtai? Oxem Sorvespor vicharta
6 Jê meren hanvem mhojê porjek, Israelkarank Ejiptkaranchea hatantli mukt keli, tê meren thaun tem aiz porian Hanv khoincheach mondirant jieunk na. Eka tombunuch ani Arkpettent Hanv jielam.
7 Israelachea putam-dhuvam borabor jea-jea svatan-cher hanv gelam tedna Israel mhojê porjecho poramos korunk adnia dil’lea khoincheai Israelachea kullak hanvem kedna tori oxem mhollam: Mhojê pasot tumi devdar rukhachem ghor kiteak bandunk na?
8 Atam mhojea sevoka Davidak oxem sang, Dolbharancho Sorvespor oxem mhonntta: Mhojê porjê Israelacho fuddari zaunk, Hanvem tuka menddram rakhtaloi thoincho apoun haddlo,
9 loddai korunk tum vetaloi titleam-i ganvamnim Hanv tujê sovem astalom; ani tujea dolleam mukhar Hanvem sogllea tujea dusmanancho nas kelo, ani hea sonvsarant vhoddlem nanv zoddil’lea mon’xanchem nanvrup tuka Hanv ditolom.’
10 ‘Israel Mhojê porjêk, Hanv êk dês ditolom ani teach desant Hanv tika roitolom ani thoinch ti aplem biradd kortoli ani, zoxem adim Mhojê porjê voir Hanvem Fuddari nemlole tedna tika dusman tras ditale, toxem anink konn tika tras diuncho na. Sogllea dusmanancheô loddaiô thamboun Hanv tika visôv ditolom. Têch borabor Sorvespor kollit korta: Sorvespor tuka vhôdd kortolo, Sorvespor tujê thaun ek ghorannem utpon kortolo.
11 ‘Israel Mhojê porjêk, Hanv êk dês ditolom ani teach desant Hanv tika roitolom ani thoinch ti aplem biradd kortoli ani, zoxem adim Mhojê porjê voir Hanvem Fuddari nemlole tedna tika dusman tras ditale, toxem anink konn tika tras diuncho na. Sogllea dusmanancheô loddaiô thamboun Hanv tika visôv ditolom. Têch borabor Sorvespor kollit korta: Sorvespor tuka vhôdd kortolo, Sorvespor tujê thaun ek ghorannem utpon kortolo.
12 Tuje dis bhortôch ani tujea purvozam sangata tuka nikipitôch, Hanv tujê sonstintlo ekleak vinchun kaddtolom ani Hanv tachi razvôttki sthaptolom.
13 Mhojea nanva khatir to êk mondir bandtolo ani Hanv tachi razvôttki sasnnak sthaptolom.
14 Hanv tacho bapui ani to mhozo put zatolo. Tannem chuk kelear, Hanv taka boddien khast laitolom ani tacher pidda dhadd-tolom.
15 Tujea mukhar poisail’lea Sau-luk hanvem doia dakhoili na toxi, Hanv tachê sovem korchona.
16 Tujem gho-rannem ani tujem raj Mhojê hujir so-danch bhiranti vinnem vostolim ani tu-jem xinvason sasnnak ghôtt urtolem. ’
17 Nathanan hi khobor ani hem dorxon, Davidak kolloilem.
18 Tedna David raza bhitôr gelo ani Sorvespora mukhar boslo ani tannem mhollem: ‘Sorvespora Deva, hanv konn? Mhaka hanga haddunk, mhojem ghorannem kitem?
19 Tujea dolleam mukhar Sorvespora Deva, hi kitli lhan vost? Punn tunvem tujea chakrachê ghora-nneachê fuddlê pillgekui bhas dilea. Oxem mon’xachem doiv Sorvespora Deva.
20 David tuka kitem mhonnunk xokta? Tum Sorvespora Deva tujea chakrak vollkhotai.
21 Tujea utra ani kall-za pormannem, tujea sevokak vollokh diuncheak tunvem heô soglleô vhodd vostu keleat.
22 Hea khatir Sorvespora Deva, tum vhodd. Tujê sarko dusro na ani tujê bogor anik Dev na. Hem sogllem ami svota amchea kanamnim aikolam.
23 Israel raxttra sarkem anik dusrem raxttr asa? Tankam tuji porza korun gheuncheak, Sorvespora tum svota tankam suttka diunk gel’lo. Tanchê khatir vhodd ani bhoinkrut vostu korun, aplê porjê mukhar raxttrank ani tanchea devank dhanvddaunk, tunvem apnnak nanv zôddun ghetlem?
24 Israel Tuji porza sasnnak Tuji khaxa porza mhonn Tunvem tharailãi; ani Tum, Sorvespora, tancho Dev zalai.
25 ‘Tôr, Sorvespora Deva, Tujea sevo-kak ani tachea ghoranneak kel’leô bhasavnniô sodanch samball ani Tunvem sanglãi toxem kôr.
26 Tujea Nanvachi kirti sodankal gazoun monis oxem mhonnttole, Dolbharancho Sor-vespor Israealacho Dev! ani tujea sevoka Davidachem ghor Tujê mukhar ghôtt astolem.
27 Kiteak, Dolbharan-chea Sorvespora, Israelachea Deva, Tunvench Tujea sevokak hem kollit kelãi, Hanv tuka êk ghor bandtolom. Dekhun Tuzo sevôk Tuka prarthon korunk fuddem sorla.
28 Mhojea Sorvespora Deva, Tum khoro Dev, ani Tujim utram khorim ani heô boreô vostu Tujea sevokak Tunvem bhasai-leai.
29 Dekhun bholeponnan Tujea sevokachea ghoranneacher axirvad ghal ani oxem tem Tujê mukhar vosum-di. Kiteak Tunch, Sorvespora Deva, uloilai, ani Tujea axirvadan Tujea sevokachem ghor sasnnak sudoiv zatolem.’
Samuelachem Dusrem Pustok - Chapter: 8
1 Hachê uprant Davidan Filistevkarancher ghuri ghali ani tankam khala apttile. Davidan Filistevkaranchea hatantlem Metegama xar ghetlem.
2 Davidan Moabachea rajeacher bi ghuri ghali. Tannem dhôrlolea soinikank vollin zomnir nhidaile. Don volli tannem marun uddoile zalear, êk vôll jivi dovorli. Oxe Moabit lok Davidache chakor zale. Ani Davidak tãnnim danam haddlim.
3 Davidan Zobachea raza, Rehobachea puta Hadadezeracher ghuri ghali. To Eufrates nodi-xim apli xim’ porot aplea tabeant gheupak gel’lo.
4 Davidan tanchê koddchê êk hozar ron’gadde, sotraixim goddesvar ani vis hozar zom-nir zhogoddpi soinik aplê bori ghetle. Davidan xembor ron’gadde bhairaun, her ron’gaddeanchea ghoddeank katrun uddoile.
5 Jedna Damaskantlea Siriant ravpi Jobachea raza Hadade-zerachea adarak aile, tedna Davidan tanchê modle bavis hozar mon’xank marun uddoile.
6 Damaskachê Sirient Davidan aple zhuza mandd ghale. Sirie-cho lok Davidache sevok zale ani taka danam haddlim. Ani veta thoinsor Sorvesporan Davidak zoitivont kelo.
7 Hadadezerachea sevokam kodde aslole bhangarache ddhal, Davidan kaddun ghetle ani te Jerusaleak haddle.
8 To-xench Beta ani Berotai, hea Hadadeze-ranchea xarantlem, David razan zaitem tambem ghetlem.
9 Davidan Hadadezerachê sogllê foujek marun uddoili mhonn, Hamatachea raza Toian aikolem.
10 Hadadezera add zhu-zunk, taka marun uddoilo tea khatir, Davidak porbim diunk Toian aplea puta Hadoramak thoim dhaddlo. Kiteak Hadadezeran Toia add zhuzam mandd-lolim. Ani Hadoraman apnna borabor rupeacheô, bhangaracheô ani tambea-cheô vostu haddleô ani teô,
11 aplea tabeant korun ghetlolea sogllea raxttran-chea rupea ani bhangara borabor, David razan heô-i vostu Sorvesporak bhe-ttoileô.
12 Tannem Siria, Moab, Amonit-kar, Filistevkar, Amalekitkar ani Hada-dezer hanchê koddchean lutt marun haddlolem, tem Sorvesporak bhettoilem.
13 Siriechea ‘Mittachea Falkeant’, otthra hozar mon’xank marun David portolo tedna to odik lovkik zalo.
14 Ani tannem Edomant aple mandd manddle ani Edomantlo sogllo lok Davidache sevok zale ani veta thoinsor Sorves-poran Davidak zoitivont kelo.
15 Davidan sogllea Israelacher raj choloilem. To aplea lokacher nitin ani promannikponnan razvôtt choloitalo.
16 Zeruiacho put Joab, tachê foujecho mukheli mhunnon udd’ddo choloitalo zalear, Ahiludacho put Jehoxafat, sogllo karbhar nondd korun dovorpachi zobabdari samballtalo.
17 Ahitubacho put Zodak, ani Abiataracho put Ahi-melek, hankam dogãikui Iadnik mhu-nnon vinchun kaddlole. Seraia Chitnnis mhunnon vavurtalo.
18 Keretit ani Peletit hanchi zobabdari, Jehoiadacho put Benaia polletalo ani Davidache put mukhi fuddariponn choloitale.
Samuelachem Dusrem Pustok - Chapter: 9
1 Êk dis Davidan vicharlem, ‘Jonathana pasot mhojem visvaxiponn dakhounk, Sauluchea kuttumbantlo konn-tori ozun jivo asa?’
2 Sauluchea kuttumbantlo Ziba nanvacho êk sevôk aslo. Tãnnim taka Davida-xim apoilo. Razan taka mhollem, ‘Tum Ziba?’ Ta-nnem zobab dilo, ‘Tuzo sevôk.’
3 Razan mhollem, ‘Hanvem Devachem bhole-ponn tachê sovem dakhounk, Saulu-chea ghorant ozunui konn jivo asa?’ Ziban razak mhollem, ‘Jonathanacho êk put asa. To donui pãiamnim longddo.’
4 Razan vicharlem, ‘To khoim asa?’ Zi-ban razak mhollem, ‘Lo-Debar nogrant, Ammielachea puta, Makirachea gho-rant.’
5 Tedna Davidan mon’xank dha-ddun, Lo-Debar nograntlo, Anmielachea puta, Makirachea ghorantlo taka sôdun haddlo.
6 Jedna, Meribbaal, ho Jonathanacho put ani Saulucho natu, Davida-xim ailo, tedna tannem sorpottun man dilo. Ani Davidan mhollem, ‘Meribbaal,’ ani ta-nnem zobab dilo. ‘Ho polle, Tuzo sevôk.’
7 Davidan taka mhollem, ‘Bhie-nakai. Tujea bapai, Jonathana khatir, hanv khoreannich tujê sovem bhole-ponn dakhoitolom. Ani Saulu tujea xapaichi soglli zomin, hanv tuka porot ditolom. Ani tum sodankal mhojê bora-bor jevtolo.’
8 Meribbaalan apli man bhagaili ani mhollem, ‘Mhojea sarkelea mel’lea suneak bholeponn dakhounk, tuzo chakor kitem?’
9 Tedna razan Sauluchea sevokak, Zibak apoilo ani taka mhollem, ‘Sogllem jem Sauluchem ani tachea ghoranneachem, tem hanv tujea dhoniachea putak porot ditam.
10 Mhonnttôch tum ani tuje put ani tuje sevok zomin kamais kortole ani tujea dhoniachea putak jevonn mellchê khatir, zomnichi pikavôll tum tachê-xim haddtoloi. Punn Meribbaal, tujea dhoniacho put sodankal mhojea jevnna mezar bostolo.’ Zibak soglle mellun pondra put ani vis chakor asle.
11 Ziban razak mhollem, ‘Mhojea dhonia razan aplea chakrak hukum’ dil’lea pormannem tuzo chakôr kortolo.’ Oxem Meribbaal, razacho êk put zal’lê porim raza sangatan jevunk-khaunk laglo.
12 Meribbaalak Mika nanvacho êk dhaktto put aslo. Zibachem sogllem kuttumb Meribbaalachea ghorant vav-runk laglem.
13 Meribbaal, Jerusaleant ravunk laglo kiteak to sodanch razachea mezar jevtalo ani to donui paiãnim longddo aslo.
Samuelachem Dusrem Pustok - Chapter: 10
1 Thoddea kallan Raza Nahash Ammonacho raza somplo ani Hanun, tachea putan razachim sutram aplea hatamnim ghetlim.
2 Tedna Da-vidan aplêch bhitôr mhollem, ‘Hanun, Nahashachea putak, tachea bapain mhojê sovem dakhoil’lem tench visvaxi-ponn, hanvui dakhoitolom.’ Ani tachea bapaichea mornna somoiar, buzvonn diunk, Davidan aplea protinidhink dhaddle. Jedna he protinidhi Ammonant pavle,
3 tedna Ammonachea fudda-riamnim Hanun, aplea dhoniak mhollem, ‘Tujê-xim buzvonnddar pattoun, David tujea bapaik man dita so tuka dista? Xaracho sôdpus korunk, tacher gupit nodor dhôrunk ani tacho bhosm korunk Davidan aplea chakrank tujê-xim dhaddunk na mum?’
4 Mhonnttôch Hanunan Davidachea chakrank dhôrle, tanchem ordem khadd taslem, tanchem angavlem kuleam meren modem pinzlem ani tankam dhanvddaile.
5 Jedna Davi-dak hi khobor mell’lli, tedna tannem tankam apounk dhaddle kiteak tea mon’xank borich loz zal’li ani razan tankam mhollem, ‘Tumchem khadd vaddo porian, tumi Jeriko ravat ani uprant porot ieiat.’
6 Davida thaim dusmankai nirmann keli mhonn Amonitkaramnim pollelem tedna, tãnnim Betrehobache Siriekar ani Zobache Siriekar, soglle mellun vis hozar ani Makah razache êk hozar ani Stobache bara hozar monis bhaddeak ghetle.
7 Davidan hem aikolem tedna, tannem Joabak ani bollvont mon’xanchê ak'khê foujek dhaddli.
8 Amonitkar bhair sorle ani darvonttea-xim apli fouz manddli. Punn Joabache ani Rehobachê Siriekar ani Stôb ani Makah eksure mollar asle.
9 Dusmanachea fouzamnim apnnacher fattlean toxem fuddlean akromon korunk zatolem tem Joaban pollelem tedna tannem Israelantlea borea zhuzareank vinchun kaddle ani Siankaranchea fouzank fuddo korunk toiaren dovorle.
10 Ani urlolea lokak Amonitam add zhuzunk toiar korchê khatir tannem tankam aplea bhava Abishaia adhin kelo.
11 Ani tannem mhollem, ‘Siriekar mhaka khor poddle zalear, tum mhojea adarak ie. Tuka khor poddle zalear, hanv tujea adarak ietolom.
12 Ghôtt rav. Amchê porjê pasot ani amchea Devachea xaram khatir ami kalljidar zaum-ia. Sorvespor aplê khuxê pormannem korum.’
13 Siriekaram add zhuz manddunk Joab ani tachê borabor aslolo lôk lagim sorle. Ani Siriekar tanchê mukhar pollun gele.
14 Jedna Moabitkaramnim Siriekar pollun gele mhonn pollelem, tedna te-i Abishaia sorxile pollun gele ani xarant bhitôr sorle. Mhonnttôch Joab Amonitam sorxilo portolo ani Jerusaleak ailo.
15 Israelachê foujen apnnacher zoit vhelem mhonn Siriekarank kolltôch, tãnnim sogllê aplê foujek ektthaim keli.
16 Hadadezeran monis dhaddun, nodi polltoddi aslolea Siriekarank apoun haddle. Te Helamant aile. Hadadeze-rachê foujecho fuddari Shobakachea fuddariponna khal, te Helamant aile.
17 Tannem ak’khea Israelak ektthaile ani Jordan nôd par korun Helamant ailo. Ani Siriekar Davida add loddai korunk toiar zale ani tachê kodde zhuzle.
18 Ani Si-riekar Israela sorxile pollun gele. Davidan Siriekaranche satxim ron’ga-dde ani challis hozar goddesvar marun uddoile. Toxench foujechea fuddaria Xobakacher akromonn kelem ani to thoim morun poddlo.
19 Israela mukhar, apunn harle mhonn Hadadezera khala aslolea razamnim pollelem, tedna tãnnim Israela kodde xanti keli ani tachê chakrek lagle. Hea fuddem Amonitka-rank adar diunk Siriekar bhiele.
Samuelachem Dusrem Pustok - Chapter: 11
2 Êk dis donpar zatôch David aplê bajêvelo utthun razmhalachea terrasar bhonvddi martalo; thoim thaun taka êk bail nhatana dixtti poddli.
3 Ti bail bhôv surêkh-sundôr asli. Ti bail konn ti Davidan khobor kaddunk laili; tãnnim oxi khobor haddli, ‘Ti Bathsheba, Elia-machi dhuv ani Urìas nanvachea Hititachi bail.’
4 Tedna Davidan tika apounk dhaddli. Ti tachê-xim aili, tichem mhoineachem zaun ti nitôll zal’li. Ani to tika gheun nhidlo; uprant ti ghora portoli.
5 Ti gorbhest zali, ani tinnem Davidak sangun dhaddlem.
6 Tedna Davidan Joabak ho nirôp pattoilo, ‘Urìas nanvachea Hititak mhojê-xim dhadd’; Joaban rokddoch Urìasak Davida-xim dhaddlo;
7 Urìas Davida-xim pavtôch, tannem Joabachi, loskorachi ani zhuzachi khobor vicharun ghetli.
8 Magir Davidan Urìasak sanglem, ‘Chol, ghora vochun visôv ghe.’ Mhonnttôch Urìas razmhalantlo bhair sorlo ani razan tachê pattlean aplea mezavelem ek dennem taka dhadd-lem.
9 Urìas ghora geloch na; punn heram sevokam borabor razmhalachea darvonttearuch nhidlo.
10 ‘Urìas ghora vochunk na’ mhonn tãnnim Davidak kolloilem. Davidan Urìasak vicharlem, ‘Tum poinn korunk aila. Oxem astanam-i tum ghora vochunk na-i?’
11 Urìasan Davidak mhollem, ‘Arkpett, Israelkar ani Judeikar tombumnim ravtat ani mhozo dhoni Joab ani mhojea dhoniache sevok uktea mollar pennem korun asat. Oxem astana, jieunk ani pieunk ani mhojê bailê borabor nhidunk, hanv koso mhojea ghora vochum? Hanv soputa khal sangtam: ‘Hanv oxem kednanch kor-chona.’
12 Mhonnttôch, Davidan Urìasak mhollem, ‘Tum, aicho dis hanga rav. Ani faleam hanv tuka porot dhadd-tam.’ Tôr, to dis ani dusro-i dis porian Urìas Jerusaleant ravlo.
13 Dusrea disa Davidan Urìasak jevnnak apoilo ani taka boroch bebdo kelo. Sanjê-vellar Urìas aplea ghora vochunk na, punn aplea dhoniachea sevokam borabor nhidunk gelo.
14 Sokallim Davidan Joabak êk chitt boroili ani ti Urìasa kodde diun dhaddli.
15 Tê chittir tannem boroilem, ‘Urìasak koddok loddai zata thoim dhadd ani tum pattim sor: hê bhaxen to zokmi zaum ani thoinch morum.’
16 Joab tedna xarak veddho ghaltalo, ani bollixtt zhuzari zhuztale thoim tannem Urìasak ghalo.
17 Tea xarantle monis ovchit bhair sorle ani Joaba kodde zhuzunk lagle; heram borabor Davidache-i thodde sevok mele; hanchê modem Hitit Urìas-ui melo.
18 Tedna Joaban eka sondexkarak Davida sorxem dhaddlo, ani zhuza vixim ghoddlolem titlem-i, Davidak kolloilem.
19 Ani tannem sondexkarak hukum’ diun mhollem, ‘Zhuza vixim razak soglli khobor dilea uprant,
20 ghoddiê raza ragan bhortolo ani tuka mhonnttolo, Tumi zhuz kortana xara lagim kiteak gele? Kil’leachê vonttir ravon, te bale martole mhonn tumi nokllo asle?
21 Jerubbalachea putak Abimilekak konnem marun uddoilo? Ekê bailen vonttir thaun tacher ek danteachem pedd uddoilem ani oso to Tebezan morun poddlo. Tumi kiteak kil’leachê vonnti-xim gel’le tedna tunvem oxem mhonnchem, Tuzo sevôk Hitit Urìas morun poddlo. ’
22 Tôr, to sondexkar Davida sorxem gelo, ani Joaban taka kitem sang mhonn formail’lem titlem-i taka sanglem: David Joabacher chôdd ragar zalo ani tannem sondexkarak mhollem, ‘Tumi kiteak kil’leachê vontti-xim gel’le? Jerubbala-chea putak Abimilekak konnem marun uddoilo? Ekê bailen vonttir thaun tacher ek danteachem pedd uddoilem ani oso to Tebezan morun poddlo. Tumi kiteak kil’leachê vonnti-xim gel’le?’
23 Sondexkaran Davidak mhollem, ‘Khoreanich okhondd monis, amcher add aile ani xarantle bhair sorun, mollar porian te pavle. Punn ami xara-chea darvonnteak pavo-sor tanchê fattik lagle.
24 Punn bann marpeamnim vonntir ravon, tujea sevokancher bann sôddle ani razache sevokantle thodde morun poddle ani tuzo sevôk Hitit Urìas, to-i melo.’
25 Davidan tea sondexkarak mhollem, ‘Joabak oxem sang, Tum niraxi zainaka kiteak tolvar ekleacho vô dusreacho jiv kaddtolich. Xara add zhuz odik nettan kôr ani xarachem nisontton kôr. Ani tum taka ut’tejon di.’
26 Jedna aplo ghorkar somplo ti khobor Batshebak mell’lli, tedna tinnem aplea ghorkara pasot dukh kelem.
27 Dukh-korpache dis somplea uprant, Davidan tika aplea ghorant haddli ani ti tachi potin zali. Ani tinnem eka putak zolm dilo. Punn, Sorvesporak Davidachem hem kortub mandunk na.
Samuelachem Dusrem Pustok - Chapter: 12
1 Sorvesporan Nathanak Davida-xim dhaddlo; tachê-xim ieun tannem sanglem: Eka xarant dog monis asle, êk girest ani êk gorib.
2 Giresta lagim menddreanche ani gorvanche zaite hindd asle;
3 punn goriba lagim êkuch xelli asli ani ti-i bi vikti ghetil’li; tika jevonn-khann diun tannem borê bhaxen posli ani ti tachea bhurgeam-ballam sangatim voir sorli; tachench khann khatali, tacheach kanxeantlem pietali ani tachea hodd’ddear nhidtali, kiteak to tika apli êk dhuv zal’lêch bhaxen lêkhtalo.
4 Punn êk dis êk pavnno tea girestager pavun sorlo; taka jevonn korunk, to aplea khaxa eka menddreak vô paddkuleak marunk toiar na zalo; punn tea goribachi xelli marun aplea pavnneak tannem jevonn toiar kelem.
5 Hem aikun, David tea girestacher bo-roch gorom’ zalo; ani tannem Nathanak mhollem, ‘Devachean, oxem kelam tea mon’xak moronn favo!
6 Oslem kortub tannem kelam ani mat tori doia dakhounk na dekhun, tannem êkê xelliek char xelliô farik korunk zai.’
7 Tedna Nathanan Davidak mhollem, ‘Tunch to ho monis! Sorvespor Israela-cho Dev oxem mhonntta, Hanvem tuka Israela voir raza makhlo, hanvem tuka Sauluchea hatantlo soddoilo.
8 Ani tujea dhoniachem Ghorannem Hanvem tuka dilem ani tujea dhoniacheô bailô tujea gopant ghaleô ani Israelachem ani Judachem Ghorannem tuka dilem; ani hem tuka pavona-xem dista zalear, tachê-von chodd Hanv tuka diin.
9 Sor-vesporak mandona tem korun, Tachea utrachi tunvem kiteak mhonn beporva kelii? Hitit Urìasak tunvem tolvarin jivexim marloi, ani tachê potinik tuji potin korun ghetli ani Amonitanchê tolvarin tacho jiv tunvem kaddloi.
10 Mhonnttôch Mhoji tunvem beporva kelii mhonn ani Hitit Urìasachê potinik tuji potin korun ghetli dekhun, tujea Ghorannea thaun tolvar kednanch pois sorchi na.
11 ‘Sorvespor oso uloita, Tujeach Ghoranneantlem Hanv tujer vaitt upzo-xem kortolom; ani tujêch huzram tujeach bailank kaddun tujea peleak hanv ditolom ani disachea uzvadda to tujea bailank gheun nhidtolo.
12 Tun-vem kelãi tem guptim kelãi; tôr Hanv ak’khea Israelachê nodrê mukhar ani disachea uzvadda heô soglleô vostu kortolom. ’
13 Davidan Nathanak mhollem, ‘Mhojea Sorvesporacher hanvem patok kelem.’ Nathanan Davidak somzailo, ‘Sorvespor tujem patok bhogxita; tum morcho naim.
14 Tori oslem kortub korun tunvem Sorvesporachi beporva kelii dekhun, tuka zolmuncho asa to bhurgo mortolo.’
15 Magir Nathan aplea ghora portolo ani Urìasachê bailen Davidak dil’lo tea bhurgeacher Sorvesporan khast dhaddli ani to chôdd piddest zalo.
16 Davidan aplea bhurgea pasot prarthun maglem ani upas kelo. Ani bhitôr vochun soglli rat to zomnir nhidlo.
17 Tachea ghorache karbhari aile ani taka zomnivelo utthounk agro korunk lagle; punn to kobul zaina zalo, ani tanchê borabor jevlo-i na.
18 Satvea disa bhurgo somplo. Tachea mornnachi khobor Davidak kollounk tache sevok bhieunk lagle. Te oxem chint’tale, ‘Bhur-go jivo astana ami tachê kodde uloileanv tedna, tannem amcho tallo aikun ghetlo na. Tor atam bhurgo mela mhonn koxem ami sangtoleanv? To apnnachea jivak kitem-i vaitt korunk xokta.’
19 Aple se-vok aplêch bhitor lohu-lohu uloitat tem Davidan pollelem tedna bhurgo melo mhonn taka somzolem. Mhonnttôch Davidan aplea sevokank mhollem, ‘Bhurgo melo?’ Tannem zobab dilo, ‘Hôi, to melo.’
20 Tedna David zomnivelo utthlo, udok nhalo, tel lailem, aple kopdde bodol’le ani Sorvesporachea ghorant ieun, tannem taka nomoskar kelo. Tea uprant to aplea ghora gelo. Tannem jevonn maglem. Sevokamnim tachê mukhar jevonn manddlem ani to jevlo.
21 Sevo-kamnim taka mhollem, ‘Hem tunvem kitem keleim? Bhurgo jivo astana, tunvem upas keloi ani tachê pasot roddloi. Punn jedna bhurgo melo, tedna tum utthloi ani jevunk lagloi.’
22 Ani tannem mhollem, ‘Bhurgo jivo aslo tedna, hanvem upas kelo ani hanv roddlom. Kiteak hanvem mhollem, Bhurgeak jivo dovrunk, Dev mhojê sovem boreponn dakhoitolo mhonn, konn sangot?
23 Punn atam to melo. Mhonnttôch hanvem upas korcho? Mhojean taka portun jivo korunk zata? Hanv tachê-xim vochunk xoktam, punn to mhojê-xim ieunk xokona.’
24 Davidan aplê potinik, Batshebak bhuzvonn ani ghottai dili. To tichê-xim gelo ani tichê lagim kuddicho ekvott kelo ani tinnem eka bhurgeak zolm dilo. Ani tannem taka Solomon mhonn nanv dovorlem. Sorvesporan ballkacho mog kelo.
25 Sorvesporan aplo mog Nathan provadia vorvim kollit kelo. Sorvespo-rachê khuxê pormannem, Nathanan Jedida mhonn nanv dovorlem.
26 Ani Joab Amonitkaranchea Rabba xara add zhuzlo ani rajdhani xar aplea tabeant kelem.
27 Ani Joaban Davida-xim sondexkar patthoun mhollem, ‘Hanvem Rabbacher akromonn kelem ani udkachem purvonn mhojea tabeant korun ghetlem.
28 Mhonnttôch atam urlolea lokak ektthai, xarant pennem kôr ani tem tujea tabeant kôr. Na zalear, hanv tem xar tabeant ghetolom ani tea xarak mhojea nanvan vollkhotolim.’
29 Davidan sogllê porjek ektthaili ani to Rabbak gelo. Tea xara add zhuzlo ani tem aplea tabeant korun ghetlem.
30 Tannem Amonitanchi devi Milkom-hichê toklevelo bhangaracho mukutt kaddun ghetlo. To Davidachê tokler ghalo. Tachem vozon sumar ponstis (35) kil aslem. Tantunt ek mannik aslem. Toxench tannem xarantlo zaito lutticho mhal haddlo.
31 Tannem thoinsorle lokak tea xarantle bhair kaddle ani khorvoti ani loknnachim hatiaram gheun vavrunk ani toxench vitte korunk tankam kamak lailim. Oxem tannem Amonitanchea sogllea xarank kelem. David ani tachi porza Jerusaleak porot aili.
Samuelachem Dusrem Pustok - Chapter: 13
1 Absalanv’, Davidachea putak Tamar nanvachi êk sobit bhoinn asli. Ani Davidacho put Amnon ticho mog kortalo.
2 Aplê bhoinni Tamarachea mogan to itlo piso zal’lo ki to piddest zalo kiteak Tamaran khoin-cheach dadlea lagim sombondh zo-ddunk naslo. Tika kitem-i vaitt korunk Amnonak koxench xokia naslem.
3 Amnonak Jonadab nanvacho êk ixtt aslo. To khub xittuk, xanno, toso budhvont aslo. Ho Jonadab mhollear Davidachea Shammah nanvachea bhavacho put.
4 Ani tannem taka vichar kelo, ‘Tum razacho put zaun-ui disan’dis kiteak osokt zatai? Tum mhaka sangchonaim?’ Amnonan taka mhollem, ‘Hanv, mhojea bhava Absa-lanvachê bhoinnicho, Tamaracho mog kortam.’
5 Jonadaban taka mhollem, ‘Apunn boro na mhonn, tum êk sovong kôr ani khattir nhidun rav. Ani tuzo bapui tuka polleunk ieta tedna, taka oxem mhonn, upkar korun mhojê bhoinnik Tamarak jevonn gheun mhojê-xim ieum-di. Hanvem polleunchê khatir, Mhojea dolleam mukhar tem toiar korum-di. Tichea hatantlean mhaka jevum-di. ’
6 Amnon khattir nhidlo ani jedna raza taka polleunk ailo, tedna Amnonan razak mhollem, ‘Upkar korun mhojê bhoinni Tamarak ieum-di ani mhojê nodrê mukhar don bhakriô toiar korum-di ani tichea hatantlean mhaka khaum-di.’
7 Tedna Davidan Tamar-ak sangunk dhaddlem, ‘Tujea bhava Am-nonachea ghora voch ani taka jevonn toiar kôr.’
8 Mhonnttôch Tamar aplea bhava Amnonachea ghora geli. Amnon khattir add poddun aslo. Ani tinnem pitt ghetlem, moll’llem ani tachea do-lleam mukhar bhakriô keleô ani bazleô.
9 Magir tinnem ek aidon ghetlem ani teô tachê mukhar dovorleô. Punn to teô khaina zalo. Ani Amnonan mho-llem, ‘Sogllea dadleank mhojê sorxile bhair kaddat.’ Ani tachê sorxile te soglle bhair gele.
10 Amnonan Tamarak mho-llem, ‘Jevonn mhojea kuddant hadd ani tujea hatantlean mhaka jevum-di.’ Ani Tamaran apnnem toiar kel’leô bhakreô ghetleô ani kuddant aplea bhava Amnona-xim haddleô.
11 Ta-nnem khaunchê khatir, ti bhakreô gheun aili tea vellar, tannem tika ghott dhôrli ani mhollem, ‘Mhojê bhoinni, mhojea sangata nhid.’
12 Ti-nnem mhollem, ‘Na, mhojea bhava, mhaka boll korinaka kiteak osli vost Israelant ghoddunk xokona. Oslem pixeponn korinaka.
13 Hanv mhoji loz gheun khoim vetolim? Tujê votin, tum Israelant êk tokli naslolo monis koso zatolo. Upkar korun raza kodde uloi. To mhaka tujê sorxili pois korchona.’
14 Punn Amnonan kitench kelear tichem sangnnem aikunk na. Punn to tichê-von bollvont aslolean, tika boll kelem ani tichê borabor nhidlo.
15 Uprant Amnon ticho chodd dvês korunk laglo. Oso tacho dvês, tichea moga-von odik zalo. Amnonan tika mho-llem, ‘Utth ani cholonk lag.’
16 Tinnem taka mhollem, ‘Na mhojea bhava, mhaka dhaddinaka. Mhaka dhaddunk korta tem vaitt, tunvem kel’lea kortuba-von odik vaitt.’ Punn to tichem aikunk kobul na zalo.
17 Uprant tannem apli seva kor-tolea sevokak apoilo ani mhollem, ‘Hika mhojê sorxili bhair ghal ani dar bond kôr.’
18 Razacheô ankvar dhuvô nhestat tosli Tamarachea angak êk sobit nhesonn asli. Uprant tachea sevokan tika bhair ghali ani dar bond kelem.
19 Uprant Tamaran aplê tokler gobôr ghalo ani veg-vegllea rongachi nhesonn aplea angar asli ti pinzli ani aplo hat tokler dhôrun roddot geli.
20 Ani Absalanv’ tichea bhavan mhollem, ‘Amnon tuzo bhav tujea sangata nhidlo? Mhojê bhoinni atam xant rav. To tuzo bhav. Hi khobor tujea kallzant ballgun dovrinaka.’ Punn Tamarak buzvonn mellonastana, aplea bhava Absalanvachea ghora ravli.
21 Ani Davidan hem sogllem aikolem tedna, tacho rag choddlo. Punn taka Amnonak vaitt korunk khoxi nasli kiteak to tacho malgoddo put zal’lean, to tacho khub mog kori.
22 Ani Absalanvan aplea bhava kodde boreachi, nhoi mhonn vaittachi gozal keli na kiteak Amnonan aplê bhoinnicher bolatkar kel’lean, Absalanv’ taka kenddtalo.
23 Don vorsam uprant, Absalanvan Efraima lagsar, aslolea Baal Hazor nogrant Absalanvan menddram marlim. Razachea sogllea putank tea dobajeak hajir zaunk tannem amontronn dilem.
24 Ani Absalanv’ raza-sorxim ailo ani tannem mhollem, ‘Polle, raza Saiba, tujea sevokan menddram marleant. Upkar korun tum ani tuje sevok, hea tujea sevoka borabor ienvche.’
25 Razan Absalanvak mhollem, ‘Na mhojea puta, ami soglle veche nhoi. Na zalear, ami tuka ek vojem koxem zatoleanv.’ Tannem taka agro kelo. Torui astana, David vochunk na punn tannem taka axirvad dilo.
26 Uprant Absalanvan mhollem, ‘Zorui tuka ieunk zaina, tôr upkar korun mhojea sangata mhojea bhava Amnonak dhadd’. Razan taka mhollem, ‘To tujê borabor kiteak vochunk zai?’
27 Punn Absalanvan taka agro kelo. Xevttim tannem Amno-nak ani razachea sogllea dutank tachê borabor vochonk dilem.
28 Absalanvan vhoddlem jevonn toiar kelem. Tannem aplea sevokank oxi adnia dili ‘Chotraien aikat. Jedna Amnon soro pieun bebdo zatolo, ani hanv tumkam oxem mhonnttolom, Amnonacher hol’lo korat, tedna tumi taka marun uddouncho. Bhienakat. Hanvem tumkam ho hukum’ dila. Kallji gheiat! Bollvont zaiat.’
29 Absalanvan hukum’ dilo toso, tachea chakramnim Amnona thaim kelem. Tedna razache soglle put utthle, ap-aplea gaddvacher bosle ani thoinche pollun gele.
30 Te vatter astana, Davidak konnem tori khobor dili, ‘Absalanvan razachea sogllea putank marun uddoile ani tantlo eklo-i jivo urunk na.’
31 Tedna raza utth-lo, aplim angvostram pinzlim. To zomnir boslo. Thoim aslolea sogllea sevokam-nim aplim angvostram pinzlim.
32 Davi-dache bhava Shimeachea putan Jona-daban mhollem, ‘Tannem sogllea rajkunvrank marun uddoileat oxem mhojea dhonian somzochem nhoi. Fokot Amnon mela: Jea disa Amnonan Absa-lanvachê bhoinni Tamaracher bolatkar kel’lo, tea disa oxem korunk Absalanvan tharav ghetlolo.
33 Hea khatir, razache soglle put meleat mhonn, mhojea dhonia razan aplem kalliz zodd korchem nhoi. Kiteak fokot Amnon mela.
34 Absalanv pollun gelo.’Tedna pahro kortolea mon’xan aple dolle ubarle ani dongravelean zaito lok denvun ieta tem pollelem ani raza-xim ieun mhollem, ‘Dongravelean êk vhodd zomo denvun ieta to hanvem pollelo.’
35 Tedna Jonadaban razak mhollem, ‘Polle razkunvor ietat. Tujea sevokan sanglo-lem toxench ghoddlam.’
36 To uloita thoinch astana, rajkunvor aile. Te vhoddlean roddunk lagle. Toxench raza ani tache sevokui imtteamnim roddonk lagle.
37 Absalanvan pollapôll kaddli ani Geshurchea raza, Ammihudachea puta Talmaia-xim gelo. Davidan aplea puta khatir disa-dispottim dukh kelem.
38 Mhonnttôch Absalanv pollun vochun, tin vorsam Geshurant ravlo.
39 Amnonachea mornnan ailolea dukhant buzvonn melltoch, David Absalanvak mellunk axetalo.
Samuelachem Dusrem Pustok - Chapter: 14
1 Razachem kalliz Absalanva thaim oddta mhonn Zeruiachea putan Joaban pollelem.
2 Joaban Tekoant êk dut dhaddlo ani thoim thaun êk xanni ostori sôdun haddli. Ani tannem tika mhollem, ‘Upkar korun dukh kortoleachem sovong kôr. Angar dukh kortoleachem angvostr ghal. Tujê kuddir pormôll ghalinaka punn zaito kall mel’leachem dukh kortolê ostorê bha-xen za.
3 Ani raza-xim ieun hê bhaxen tachê kodde uloi.’ Mhonnttôch kitem ulounchem tem, Joaban tika xikoilem.
4 Tekoachi ostori raza-xim aili ani zomnir sorpottun tinnem taka man-bhovman dilo. Tinnem mhollem, ‘Raza Saiba, mhojea adarak ie.’
5 Ani razan tika mhollem, ‘Tuka kitem zalam? ’Tinnem zobab dilo, ‘Hanv vidva. Mhozo poti mela.
6 Ani tujê chakornik dog put asle. Êk dis xetant tanchê modem uzôt zali. Tankam doxim korpi konn-êk naslo. Mhojea eklea putan, dusreacher hol’lo kelo ani taka marun uddoilo.
7 Ani atam ak'khem kuttumb tujê sevikê add upraslam. Tim mhaka oxem mhonnttat, Aplea bhavacher hol’lo kel’leak, amchê adhin kôr. Jea bhavan aplea bhavak marla, tachea jiva bodlak, taka ami jivexim martoleanv. Oxem ami tachea daijeakui nopoit kortoleanv. Hê toren mhojea ghorant urlolo uzvadd tim palovn uddoitolim. Ani mhojea ghorka-rachem nanv ani tachi pillgi dhortorê-voili nattak zatoli.’
8 David razan ostorek mhollem, ‘Tujea ghora voch; Hanv svota hea khott-leant, mhozo nirnnoi ditolom.’
9 Ta-koachê ostoren razak mhollem, ‘Mhojea dhonia raza saiba, hi khast mhojer ani mhojea bapaichea ghoranneacher poddum. Raza ani tachi sodôr gu-neanva meklli urum.’
10 David razan tika mhollem, ‘Tuka dhomki ditoleak, mhojê-xim hadd. Tedna to tuka anink kednach tras diuncho na.’
11 Uprant tinnem mhollem, ‘Sorvespora, Tujea Devachem Nanv gheun, rogtacho bodlo ghevpeank, bhosm korunk raza saiban diunchem nhoi, na zalear te mho-jea putacho nas kortole.’ Ani tannem mhollem, ‘Jivea Devachea Nanvan soput ditam, Tujea putachea mathevelo êk kens porian zomnir poddcho na.’
12 Tedna ostoren mhollem, ‘Mhojea dhonia raza Saiba, upkar korun tujê sevikek anink êk vôst sangun-di.’ Ani tannem mhollem, ‘Sang’.
13 Ostoren mhollem, ‘Devachê porjê add tunvem oxem kiteak ievjilãi? Aplea koddsorlo-leak sôdinastana ravunk, raza jem kitem uloila tem vankddem.
14 Ami soglleam-nim êk dis morunkuch zai. Ani ami porot ektthaim korunk zainaslolea zomnir ôtlolea udka bhaxen, têch porim Sorves-poran moddeak novean voir kaddunk zaina. Aplo koddsorlolo bhairail’lo zaina zaunk razan rochun haddche.
15 ‘Lokan mhojer bhirant haddlea tea khatir, hanv hi gozal, mhojea dhonia razak sangunk aileam. Tuji sevika oxem chint’tali hanv raza kodde uloitolim ni raza aplê sevikê khatir ho upkar kortolo.
16 Mhojem sangnnem aikun Devachea daizantlo, mhozo ani mhojea putacho borabor bhosm kortoleachea hatantli to aplê sevikek nivartolo mhonn hanv zanno aslom.
17 Hanvem oxem-i chintlo-lem ki mhojea dhoniachea utran mhaka xanti melltoli. Kiteak borea ani vaitta modem vinchun kaddunk mhozo dhoni raza Sorvesporachea duta sarko. Tuzo Dev tujê borabor asum.’
18 Tedna razan zap diun tê ostorek mhollem, ‘Upkar korun jem kitem hanv vichartam tem mhaka lipoum naka.’ Ostoren mhollem, ‘Uloi, mhojea dhonia, raza Saiba.’
19 Razan vicharlem, ‘Hea sogllea vostumnim Joabacho hat asa?’ Ostoren zap diun mhollem, ‘Mhojea dhonia, razachea soputa khal sangtam. Jem kitem mhozo dhoni, raza uloila, tantuntlem hanv kãi boldunk xokona. Kiteak Joab tujea sevokan mhaka adnia diun, him sogllim utram tujê sevikechea tonddant ghaleant.
20 Tujea sevoka Joaban sot lipounk, hem sovong kelam. Sonvsarant asa tem sogllem zanna zaunk, mhojea dhoniak Sorvesporachea duta sarkhi zannvai asa.’
21 Tedna razan Joabak mhollem, ‘aik, hanv tujem sangnnem manun ghetam. Voch Absalanvak portun hadd.’
22 Ani zomnir poddun, Joaban nomoskar kelo ani razak dhin’vaslo. Ani tannem mhollem, ‘Mhojea dhonia, raza Saiba, tujea chakracher upkar korun tujê nodrê mukhar boreponn mell’llam mhonn aiz tujea sevokak thavem zalem.’
23 Joab utthlo ani Geshur nogrant gelo ani thoim thaun Absalanvak Jerusaleant haddlo.
24 Punn David razan mhollem, ‘Taka aplea ghora vochum-di ani tannem mho-jem tondd polleunchem nhoi.’ Mhonn-ttôch Absalanv aplea ghora gelo ani tannem razachem tondd pollelem na.
25 Ak’khea Israelant Absalanva itlo sobit anink konn naslo. Tokli tem pãi porian, taka koslich kodd nasli.
26 Vor-sachea xevottak to aple kens katôrtalo kiteak tachê tokler kensanchem vozon vaddtalem. Jedna to aple kens katortalo, to te zôktalo ani tachem vozon sovai don kil astalem.
27 Ani Absalanvak teg put ani êk dhuv asli. Tichem nanv Tamar ani ti sobit asli.
28 Razachem tondd pollenastana Absalanv’ don vorsam Jerusaleant ravlo.
29 Ani raza-xim patthounchea monan, Absalanvan Joabak apoun haddlo. Punn to tachê-xim ailo na. Tannem taka dusrê pavtt apounk dhaddlo, tor-ui to ailo na.
30 Haka lagon tannem aplea chakrank mhollem, ‘Polleiat, Joabachem xet mhojea xeta lagsar asa. Thoim sevad asa. Vochat ani taka uzo ghalat.’ Ani Absalanvachea chakramnim xetak uzo ghalo.
31 Tedna Joab utthlo ani Absalanvachea ghorant ieun tannem vicharlem, ‘Tujea chakram-nim mhojea xetak kiteak uzo ghala?’
32 Absalanvan Joabak zobab dilo, ‘Polle hanvem tuka sondêx dhaddlolo: Tum hanga ie. Tunvem razak hi khobor sangunk hanv tuka raza-xim dhaddunk sôdtam, Hanv Gashur nogrant thaun hanga kiteak ailam? Hanvem thoinch ravonk mhaka odik borem aslem. Atam mhaka razachem tondd polleum di. Zorui hanvem oprad kela, tannem mhaka marun uddoum-di.’
33 Joab raza-xim ailo Tannem hi khobor razak sangli. Jedna Razan Absalanvak apounk dhaddlo, tedna to raza-xim ailo ani tachê mukhar zomnir sorpottun, razak noman kelo. Ani razan Absalanvache ume ghetle.
Samuelachem Dusrem Pustok - Chapter: 15
1 Hachê uprant Absalanvan apnna fuddem vochonk ron’-gadde, godde ani ponas monis toiar kele.
2 To sokall fuddem utthtalo ani xarachea darvonttea-xim eka ordan ubo ravtalo. Konnui koslo prosn gheun raza-xim nit mellounk ailo zalear to tea mon’-xak apoitalo ani mhonnttalo, ‘Tum khoin-chea nogrant ravpi?’ To zobab ditalo, ‘Tuzo sevôk Israelachea eka kullantlo’.
3 Ani Absalanv’ taka mhonnttalo, ‘Tuzo prosn boro ani niti pormannem asa. Punn raza voten hanga tuka aikunk konn na.’
4 Tea fuddem Absalanv mhonnttalo, ‘Mhaka hea desacho nitidar kel’lo zalear, prosn vô vad-vivad aslolea mon’xank mhojê-xim ieum ietalem ani hanv taka nit korun divpa-chom!’
5 Ani oxem konnui mon’xan taka lagim sorun, noman kel’lem zalear, to aplo hat fuddem kaddtalo, taka dhôrtalo ani tacho umanv ghetalo.
6 Hê porim Absalanvan raza-xim nit mellunk ailolea dôr-eka Israelita-xim kelem. Oxem Absalanvan Israelkaranchim kallzam jikhun ghetlim.
7 Char vorsam uprant, Absalanvan razak mhollem, ‘Upkar korun Hebro-nant, hanvem Sorvesporak kel’li angovnn pallchê khatir, mhaka thoim vochum-di.
8 Jedna hanv, tuzo sevôk Siriechea Geshur nogrant biradd korun aslom, tedna hanvem hi angvonn kel’li, Sorvespor mhaka Jerusaleant porot haddit zalear, hanv tachi seva korto-lom.’
9 Ani razan taka mhollem, ‘Xan-tin voch.’ Mhonnttôch to utthlo ani Hebronant gelo.
10 Absalanvan Israelachea sogllea kullam modem bhedi dhaddun mho-llem, ‘Jedna tumi xingancho avaz ai-kotoleat, tedna tumi oxem mhonnchem, Absalanv Hebronant rajea choloita. ’
11 Apoun haddlolea don’xim mon’xank gheun, Absalanv Jerusaleantlo bhair sorlo. Te aplea sadheponnan tachê borabor gele. Ani hea vixim tankam koslich khobor nasli.
12 Absalanvan, Davidachea budh dinarean Gilont ravpi Ahithofelak aplea xarant thaun apounk dhaddlo. Tea vellar to Gilont iodn bhettoitalo. Bonddachi toiari odik ghôtt zait geli kiteak Absalanva borabor aslolea mon’xancho ank vaddot vetalo.
13 Tea disamnim konn-eklo Davidak êk nirôp gheun ailo, ‘Israelitkaranchim kallzam atam Absalanvachê vatten asat.’
14 Tedna Jerusaleak tachê borabor aslolea sogllea sevokank Davidan mhollem, ‘Pollun vochunk toiar zaiat; na zalear ami Absalanvachea hatant poddtoleanv. Zata titlê vegim ami hangasorle vochum-ia; na zalear to amchi patt dhôrun amcher noxtt haddtolo ani tolvarin amchea xarachem nisontton kortolo.’
15 Razachea sevokamnim razak mhollem, ‘Amchea Dhonia Raza, tujea nirnnoia pormannem korunk, tuje sevok toiar asat.’
16 Ani raza bhair sorlo. Ani tachê fattlean tachem sogllem ghora-nnem. Punn ghorachi rakhonn korunk razan dha bailank rakhun dovorleô.
17 Raza bhair sorlo. Toxench tachê borabor sogllo lok-ui bhair sorlo. Raza nimnnem ghor asa thoim thamblo.
18 Soglle tache sevok, tachea fuddeant ube ravle. Toxench Keritit ani soglle Peritit ani Hitit ani Gath thaun raza pattlean ailole soixim monis raza mukhar ube ravle.
19 Gath nograntlea Ittaiak razan mhollem, ‘Tum kiteak amchê borabor ietai? Porot voch. Ani tujea raza borabor vosti kôr. Tum êk pordexi ani tosoch tujea desantlo nirvaxi.
20 Tum kaluch aila. Hanv khoim veta tem hanv nokllo. Zalear tuka aiz amchê borabor koso vhorum? Tum porot voch ani tujea sangateank-ui porot vhor. Sorvespo-rachi doia ani visvaxiponn tujê thaim asum.’
21 Ittaian razak zap diun mhollem, ‘Jivea Devachea ani mhojea Dhonia Razachea Nanvan soput. Mornnant vô jivitant, zoim mhozo Dhoni Raza astolo, thoim tuzo sevokui astolo.’
22 Davidan Ittaiak mhollem, ‘Borem asa, chol voch.’ Mhonnttôch Gath nog-rantlo Ittaia gelo. Tachê borabor tache soglle monis ani bhurgim-ballam aslim.
23 Sogllo lok vhoddlean roddot cholunk laglo. Raza-i Kidron vhallachê poltoddi gelo. Sogllo lok oronnea vatten gelo.
24 Thoim Zadok ani toxench Sorves-porachea Korarachi Arkpett vhortole Levit asle. Sogllo lôk xarantlo bhair soro porian, tãnnim Sorvesporachi Arkpett Abiatara-xim dovorli.
25 Razan Zagokak mhollem, ‘Sorvesporachi Arkpett porot xarant vhor. Zor Sorvesporachê nodrê mukhar, mhaka kurpa mell’llear, to mhaka portun haddtolo, ani ti, toxench ticho tombu mhaka dakholl kortolo.
26 Punn zôr to mhonnot, Hanv tujê vixim khuxal na, hanv tem manun ghetam: Taka borem dista tem, Sorvesporan mhojê sovem korchem.’
27 Razan iadnik Zadokak hem-i sanglem, ‘Polle, tum ani Abiatar xantin xarant vochat. Ahimas, tujea putak ani Jonathan, Abiatarachea putak, hea dogaimkui tumchê bora-bor vhorat.
28 Polleiat tumi khobor haddi porian, hanv oronneant ravto-lom.’
29 Mhonnttôch Zadokan ani Abiataran Sorvesporachi Arkpett Jerusaleak haddli ani te thoim ravle.
30 Dekhun David roddot-roddot ani aplem mathem dhampun ani bexttea pãiamnim, Zoitunanchea dongrachi vatt choddunk laglo; têch porim, tachê boraborche-i aplem mathem dhampun roddot-roddot vetale.
31 Davidak konnem tori sanglem, Ahitofel, Absa-lanva borabor karasthanant vantto gheta. Davidan mhollem, ‘Sorvespora Ahithofelachi budh be-upeôgi kôr.’
32 Sorvesporak nomoskar korunk David dongrachê tenkxer pavlo tedna Arkit kullacho Hushai aplem angvostr pinzun ani tokler mati ghalun, taka mellunk ailo.
33 Davidan taka mhollem, ‘Tum mhojê borabor ailear, tum mhaka êk bhar zatolo.
34 Punn tum xarant portun vetai zalear, Absalanvak oxem mhonn, Raza Saiba, hanv tuzo sevôk zatolom. Tujea bapai-cho chakôr aslo toso, hanv tuzo-i zatolom. Magir tum mhojê pasot, Ahithofelachi budh nirfoll korun uddoi.
35 Thoim iadnik Zadok ani Abiatar tujê borabor astole. Mhonn-ttôch kosli-i khobor ji razachea ghorant tum aikotoloi, ti tunvem iadnik Zadok ani Abiatar hankam sangchi.
36 Thoim tanchê borabor tanche dog-ui put Zadokacho put Ahimas ani Abiataracho put Jonathan astole. Tanchê vorvim tum aikotai titlem-i, tunvem mhaka kollit korchem.’
37 Mhonnttôch Da-vidacho ixtt Hushai xarant ailo, teach vellar Absalanvui Jerusaleant bhitôr sorlo.
Samuelachem Dusrem Pustok - Chapter: 16
1 David dongra matheavelo matso fuddem gelo tedna, Meribbaalacho chakor Ziba, Davidak bhettlo. To apnna borabor gaddvam gheun aslo. Don’xim bhakriô, kismisan-che xembor gedde, xembor kalla purtim follam ani sorean bhorloli êk cham-bddeachi poti tannem gaddvancher ghalun haddloli.
2 Davidan Zibak mhollem, ‘Hachê vixim, tum kitem sangunk sôdtai?’ Ani Ziban mhollem, ‘Gaddvam razachea ghoranneak bhonv-ddi marunk, bhakriô ani kalla purtim follam sevokam khatir ani soro oronneant thokloleank pieunchê khatir.’
3 Razan vicharlem, ‘Tujea dhoniacho put khoim asa?’ Ziban razak zobab dilo, ‘To Jerusaleant vosti korun asa. Kiteak tannem oxem mhollam, Aiz Israela-chem ghorannem mhaka portun ditolim. ’
4 Razan Zibak mhollem, ‘Jem kitem Meribbaalachem, aiz thaun tujem’ Ani Ziban mhollem, ‘Hanv zomnir sorpottun, tuka noman kortam. Mhojea dhonia razachê nodrê mukhar, mhaka kurpa mellum.’
5 David Bahurim’ mhonnttat thoim pavtôch, Sauluchea vangddacho êk monis ailo: to Jeracho put, Shimei; to Davidacher xirap ghaltalo.
6 Magir tacher ani tachea sevokancher fator xevttunk laglo; tedna sogllo lôk ani bo-llixtt zhuzari razachea daveak ani uzveak ravle.
7 Shimei oso xirap ghaltalo, ‘Han-ga dixttich poddonakai, noxttea ani rogtan bhòrlolea mon’xa!
8 Sauluchea ghoranneachem rogot tuka Sorves-poran buzo-xem kelam, kiteak Saulu-chem raj tunvem kann ghetleim ani Sorvesporan tem tujea putak, Absa-lanvank, dilem; tujeach noxibantlem tuka atam favo zata, kiteak tum rogtan bhòrlolo monis.’
9 Zeruiachea puta Abishaian razak vicharlem, ‘Hem melolem sunnem razacher, mhojea dhoniacher, xirap ghalpak konn? Vochun mhaka tachi toklich katrum-di.’
10 Razan mhollem, ‘Zeruiachea putam-nô, to mhojer xirap ghalta zalear gha-lum-di: tem mhaka ani tumkam kiteak poddlam? Davidacher xirap ghal oxem zôr Sorvesporan taka sanglam, hem tunvem kiteak keleim? oxem konna-chean vicharum-iet?’
11 Davidan Abi-shaiak ani aplea sogllea sevokank mho-llem, ‘Mhojea rogtacho put mhozo jiv kaddunk sôdta zalear, ho Benjamit atam kitem korcho na?! Mhojer xirap ghalum-di, kiteak Sorvesporan oxem nirmilam.
12 Mhojê khonti-dukhicher nodor ghalun, Sorvespor ghoddiê aicho xirap borean farik korit.’
13 Oxem uloun, David ani tache monis aplê vattek lagle. Shimei xirap ghalit, fator xevttit ani dhul fafddit apnna fuddem aslolea dongra-velean cholot gelo.
14 Raza ani tachê borabor aslolo lôk thokun ailo. Thoim tãnnim visôv ghetlo.
15 Absalanv ani soglle Israelitkar Jeru-saleant bhitôr sorle. Ahithofel tachea sangata aslo.
16 Tedna Arkit kulliecho Hushai, Davidacho ixtt Absalanva-xim ailo, tedna tannem Absalanvak mhollem, ‘Lamb auk tuka Raza Saiba! Lamb auk tuka Raza Saiba!’
17 Absalanvan Hushaiak mhollem, ‘kitem, hem tujem visvaxiponn tujea ixtta sovem? Tujea ixtta borabor tum kiteak gelonaim?’
18 Ani Hushaian Absalanvak mhollem, ‘Na. Jea mon’xak Sorvespor, hi porza ani soglle Israelache monis venchun kaddta, tacho hanv zatolom ani tachê borabor jietolom.
19 Ani tea bhair, hanv konnachi seva kortolom? Razachea putachi nhoi. Tujea bapai mukhar, hanvem seva kelea toxich, tujê mukhar kortolom.’
20 Tedna Absalanvan Ahithofelak mhollem, ‘Atam ami kitem korchem, tea vixim amkam budh di.’
21 Ahithofelan Absalanvak mhollem, ‘Ghorachi rakhonn korunk tujea bapain jeô bailô dovorleat, tanchê-xim vochun kuddiche sombondh zôdd. Tedna tum tujea bapai add gela mhonn soglle Israelak kollun ietolem. Hê toren tujê bori asloleanche hat bollvont zatole.’
22 Mhonnttôch Absalanva khatir rajmhalachea patto-sar êk tombu ubo kelo. Ani sogllea Israelachea dolleam mukhar, Absalanv tantunt bhitôr vochun aplea bapaichea dovorlolea bailam kodden kuddicho bhôg ghetlo.
23 Tea disamnim Ahitho-felan dil’li budh, Devachem utor koxem manun ghetalim. Itlem mol David ani Absalanv hê budhik ditale.
Samuelachem Dusrem Pustok - Chapter: 17
1 Hea uprant rokddench, Ahithofelan Absalanvak sanglem, ‘Foujentlea bara hozar soinikank mhaka vinchun kaddum di. Aizuch rati hanv Davidachê fattik lagtolom.
2 To thoklolo ani niradari astananch hanv tacher akromon kortolom ani tacher bhirant haddtolom. Tache sangati pollapôll kaddttole. Hanv fokot razacho jiv kaddtolom.
3 Ani hanv sogllea lokak tujê-xim porot haddtolom. Her sogllo lok xantin astolo.’
4 Absalanvak ani Israelachea zannteank hem sangnnem manlem.
5 Absalanvan mhollem, ‘Atam Arkit kullantlea Hushaiak-ui apoiat, ani to kitem mhonntta tem-i ami aikum-ia.’
6 Hushai Absalanva-xim ailo tedna, Absalanvan taka mhollem, ‘Ahithofel amchê kodde hê bhaxen uloila. Tachê sangnnê pormannem ami korchem? Na zalear, ami kitem korchem tem tum sang.’
7 Hushaian zobab dilo, ‘Ahitho-felan hê somoim dil’li budh sarkhi na.
8 Tuzo bapui David ani tache sangati khoddegant zhuzari mhonn tum zannoi. Ani, zoxem eka vansvelachea porak konnem-i chorun vhelem zalear, tem vansvel konnachean addaunk zaina titlem krur zata, toslench krurponn tanchea angamnim asa. Dusrê vatten tuzo bapui êk onubhov aslolo zhuzari. Ani to ratchea vellar porian aplea zhuzareank visôv diupi nhoi.
9 Atam porian to khoincheai dhôlint vô her svatecher liplolo astolo. Akromonnachê survekuch amchê modle harovle zalear, aikotolo oxem mhonnttolo, ‘Absalan-vachea pokxantlea mon’xank marun uddoile.’
10 Xinvachea kallza sarko bollvont monis porian sarko koddun vetolo. Tuzo bapui êk bollvont monis, toxench tachê borabor aslole monis-ui kalljidar mhonn sogllo Israel dês zanna.
11 Mhonnttôch mhoji budh hi: Dan tem Beersheba porian vellechê renvê porim, ak'khê Israel porjek tunvem ektthaunchi ani tum porxim tanchê borabor zhuzak vecho.
12 To khoinsor-ui asum, taka sôdun kaddum-ia, zomnir dhôv poddta toso, ami tancher poddtoleanv. Tedna to, nhoi mhonn dusro khoinchoch soinik jivo urchona.
13 Zôr khoincheai nogrant tannem bhôrti kelear, tedna Israelachi porza, dhoramnim bandhun hem nogôr nodint oddtolim. Ani tacho êk porian fatôr urchona.’
14 Absalanvan ani Israelachea mon’xamnim mhollem, ‘Hushaiachi budh Ahithofelachê budhi poros odik bori.’ Absalanvachem nison-tton zaina zauncheak, Sorvesporan Ahithofelachi budh nirfôll keli.
15 Tedna Hushaian Sadok ani Abiatar-hea iadnikank sanglem, ‘Absalanvak ani Israelachea zantteank Ahithofelan oxi-oxi budh dili ani hanvem hi budh dili.’
16 Atam suddsuddaien vochat ani Davidak oxem sangat, Aichi rat oronneachea uktea mollar sarinakat punn thoinsorlo suddsuddaien bhair sorun voch, na zalear raza ani tachê borabor aslolo lok girasun vetolo. ’
17 Jonathan ani Ahimes En-rogel ravle. Êk sevika tanchê-xim vetali ani tankam soglli khobor ditali. Te Davida-xim vochun, taka kollit kortale. Konnench polleunk na toxe, te Jerusaleant provês kortale.
18 Toripunn eka chakran tankam pollele ani Absalanvak kollit kelem. Oxem astam-i tãnnim dogamnim-i pollapôll kaddli ani Bahurimant ravpi eka mon’xachea ghora-xim pavle. Tachea angnnant êk bãi asli. Te tantum bhitôr denvle.
19 Tea mon’xachê bailen ek chador ghetlem. Tem tannem bãichea tonddar patllailem. Ani tacher gonv xinvraile. Ani hachi konnak khobor nasli.
20 Absalanvache sevok, tê ostorechea ghora-xim aile ani tannem vicharlem, ‘Ahimas ani Jonathan khoim asat?’ Ani tê ostoren tankam zobab dilo, ‘Te nhõichê vattên geleat.’ Jedna tãnnim tankam sôdle ani te tankam mell’lle nant, tedna te porot Jerusaleant aile.
21 Te vetôch Ahimas ani Jonathan bãintle bhair sorle ani Davidak kollounk thoinche cholun gele. Tãnnim Davidak mhollem, ‘Utthat ani suddsuddaien nôd par korat kiteak Ahithofelan tumchê add budh dilea.’
22 Tedna David utthlo ani apnna borabor aslolea lokak gheun, Jordan nôd pahr keli. Fantem zata mhollear soglleamnim nôd utrun kaddli.
23 Jedna Ahithofelan apli budh pallunk na mhonn dekhli, aplem gaddum toiar kelem ani utthun aplea ghora, aplea xarant to gelo; magir aplem ghor tharear ghalun gôll gheun melo. Ani taka tachê bapaichê somadhint nikhipilo.
24 Uprant, David Mahanaim’ nogrant ailo. Teach vellar Absalanv ani tachê borabor aslolea Israelkaramnim Jordan nôd pahr keli.
25 Absalanvan Joabachê svater Amasak foujecho fuddari nemlo. Ho Amas Ismael kulliechea Itracho put. To Abigaila lagim logn zal’lo. Hi Abigail Nahashachi dhuv ani Joabachi avoi, Zeruiachi bhoinn, asli.
26 Israel foujen ani Absalanvan Gileadant aplo mandd manddlo.
27 Ani David Mahanaim’ nogrant ailo tedna, Shobi, Amonit kullientlea Raba xarant ravpi, Nahashacho put ani Makir, Lodebar nogrant ravpi Amielacho put ani Barzilai, Rogelim’ ravpi Gileadit he Davida-xim aile.
28-29 Tãnnim apnna borabor bixannem, kannxe, matiechim aidonam, gonv, zov, pitt, bazlolo orôv, chonne, ollsanne, hullid, mhonv, dohi, menddre ani panir Davidak ani tachê borabor aslolea lokak khaunchê khatir haddlim. Te oxem chint’tale, ‘Ho lôk oronneant bhuken, thokun ani tanen asa.’
Samuelachem Dusrem Pustok - Chapter: 18
1 Davidan apnna sangata aslolea mon’xank mezle ani tankam hozar-hozar ani xembor-xemboranchea zomeamnim vanttle. Dôr eka zomeant fuddari nemle.
2 Uprant, Joab ani tacho bhav Abishai, toso Gath hangacho Ittai, tanchea fuddariponna khala tin pongodd kele. Ani razan lokak mhollem, ‘Hanv jerul tumchê borabor ietolom.’
3 Lokan zobab dilo, ‘Tum xara bhair vechonaim. Kiteak ami pollun gelear, vô amchê modle orde melear, te amchi porva korchenant. Punn tum amkam toso tankam, dha hozar mon’xam voir vorto. Mhonnttôch tunvem xarant ravun adar dilear odik borem.’
4 Razan zobab dilo, ‘Tum-kam kitem borem dista tem hanv korto-lom.’ Tedna to darvontteachea eka ordan ubo ravlo ani sogllo lok xem-bhoranchea ani hozaranchea zomeam-nim bhair sorlo.
5 Ani razan Joabak, Abishaiak ani Ittaiak, hukum’ diun mhollem, ‘Mhojê pasot Absalanva thaim doien vag.’ Aplea mukheleank Absalanva-vixim razan dil’lo hukum’ sogllea lokamnim aikolo.
6 Mhonnttôch lok, Israela add zhuza mollar gelo. Zhuz Efraimachea ranant zalem.
7 Ani Davidachea sevokam mukhar, Israeli lok morun poddlo. Ani tea disa sumar vis hozar morun gele.
8 Zhuz ak’khea desant ximpoddlem. Tea disa tolvari-von ranan, odik mon’xank girasle.
9 Tea disamnim Absalanv chintunk-naslolê ghoddnnê vorvim Davidachea mon’xanchea hatant poddlo. Eka ko-choracher bosun Absalanv vetalo tedna, to kochôr eka vhôdd rukhachea khandeamnim riglo ani Absalanvachi tokli tea rukhak xirkoli ani to sorga ani sonvsara modem umkolltalo; itlean to boslolo to kochôr fuddem gelo.
10 Konn-eklean hem sogllem pollelem ani Joabak vochun sanglem, ‘Absalanv eka rukhar umkollon asa to hanvem pollela.’
11 Apnnak khobor ditoleak Joaban mhollem, ‘Tunvem taka polleloi zalear, taka tunvem tech suvater kiteak jivo marunk na? Hanv tuka rupeache dha nanne, ani êk rupeacho potto divpachom.’
12 Punn tea mon’xan zobab dilo, ‘Mhaka hozar rupeache nanne dilear porian, hanv mhozo hat razachea puta add ghalchona. Razan tuka, Abishaiak ani Ittaiak hukum’ dil’lo to ami aikola. Tornnatea Absalanvan-cher konnech hat ghalcho nhoi.
13 Na zalear hanv visvas ghat korun, mhozo jiv sonkoxttant ghalpachom kiteak raza mukhar kãi liplolem na. Ani tum tujê os-tongim mhojê add govai divpacho.’
14 Tedna Joaban mhollem, ‘Tujê mukhar hanvem vêll ibaddunk favona.’ Tedna Joaban aplea hatant tin bhale ghetle ani te Absalanvachea kallzak tôple, to ozun jivoch tea rukhar umkolltalo.
15 Joabachea hatiaram vhorpi dha soinikamnim Absalanvank veddo ghalo ani taka marun uddoilo.
16 Joaban kornno vazoilo ani tachea soinikamnim Israel foujechi patt sôddli ani te porot aile. Oxe Joaban lokak tham-boile.
17 Tãnnim Absalanvak ghetlo ani ranant aslolê ekê khonnint uddoilo. Ani tachê voir fatranchi vhôdd ras keli. Ani sogllea Israelkaramnim aplea tombunt pollapôll kaddli.
18 Apunn jivo aslo tedna, Absalanvan razachea vhallant aplê khatir êk iadgiri bandun dovorloli. Kiteak, ‘tachem nanv jivem urunk taka ekui put naslo’. Mhonnttôch, tika tannem apnnench aplem nanv dovorlolem. Ani tea disa thaun tika Absalanvachi iadgiri mhunnon vollkhotat.
19 Tedna, Zadokachea putan Ahimaa-zan mhollem, ‘Mhaka dhanvun-dhan-vun vochum-di. Sorvespora Devan razak dusmananchea hatantlo koso vattailo, hi bori khobor razak kolloun di.’
20 Ani Joaban taka mhollem, ‘Bori khobor aiz nhoi punn anik khoincheai disa tum vhor, aiz bori khobor vhoro-naka kiteak razacho put melo.’
21 Uprant Joaban Kushitak mhollem, ‘Tunvem kitem pollelãi tem vochun razak sang.’ Ani Kushitan Joabak nomoskar kelo ani to dhanvlo.
22 Zadokachea puta Ahi-masan anink êk pavtt Joabak mhollem, ‘Tem kitem-i zaum, upkar korun mhaka-i Kushita pattlean dhanvum-di.’ Joaban mhollem, ‘Tum kiteak dhanvunk sôdtai mhojea puta? Tuka hê khobrê khatir koslench inam’ mellchem na.’
23 Ta-nnem mhollem, ‘kitem-i zaum mhaka dhanvum-di.’ Joaban taka mhollem, ‘Tôr dhanv.’ Mhonnttôch Ahimas molla ve-lean dhanvlo ani Kushitak fattim uddoilo.
24 Don darvontteam modem David bosun aslo. Rakhonndar vonnti-veleam darvontteanchea pattsar choddlo ani thoim thaun tannem aple dolle voir ubarle ani dhanvim-dhanvim ieta to êk monis taka dixtti poddlo.
25 Razak ulo marun tea rakhonndaran taka hi khobor dili, ani razan mhollem, ‘Ekloch asa zalear to bori khobor gheun ieta.’ Ani to cholot lagim sorlo.
26 Tednach rakhonndaran anink eklo konn tosoch dhanvun ietalo to pollelo. Tannem voir thaun darvonttear aslolea rakhonndarak sanglem, ‘Polle! Anink eklo konn dhanvun ieta,’ Razan mhollem, ‘Hoi bi bori khobor gheun ieta.’
27 Rakhonn-daran mhollem, ‘Poilea mon’xachem dhanvop Zadokachea puta Ahimaaza bhaxen dista.’ Razan mhollem, ‘To êk boro monis ani bori khobor gheun ieta.’
28 Ahimaazan raza-xim ieun vhoddlean mhollem, ‘Sogllem borem asa.’ Ani to raza mukhar zomnir sorpottlo. Ani fuddem mhollem, ‘Sorvespora, tujea Devak vakhann’nni. Tannem mhojea donia razacher hat ukol’loleancho bhosm kelo.’
29 Ani razan vicharlem, ‘Tornnatto Absalanv surokxit ani sugur asa mum?’ Ani Ahimaazan zobab dilo, ‘Jedna Joaban, mhaka, tujea sevokak porot dhaddlo, tedna hanvem lokacho vhôdd gondôll pollelo. Thoim kitem zata tachi mhaka khobor nasli.’
30 Fu-ddem razan mhollem, ‘Kuxin sor ani hêthoim ubo rav.’ Mhonnttôch to kuxin sorlo ani thoinch ravlo.
31 Itlean êk Kushit pavun sorlo. Tannem mhollem, ‘Mhojea raza, tuka bori khobor hanvem haddlea, kiteak tujer kolpolole tanchea hatantlo Sorvesporan aiz tuka sôddoilo.’
32 Razan Kushita kodde khobor kaddli, ‘Mhozo tornnatto Absalanv’ boro asa mum?’ Kushitan sanglem, ‘Mhojea razachea dusmanank ani tuka vaitt korunk kolpololeank hea tor-nnatteak ghòddlam toxench ghoddom!’
33 Hem aikun razak xello gham’ suttlo ani darvonttea voir aslolea kuddant vochun dukhancheô zhori korun to roddunk laglo. To mhonnttalo, ‘Mhojea puta Absalanva! Puta mhojea! Mhojea puta Absalanva! Tujê svater hanv mel’lom zalear! Absalanva, mhojea puta! Puta mhojea!’
Samuelachem Dusrem Pustok - Chapter: 19
1 Joabak khobor dhaddli, ‘Absalanvak lagun raza roddta ani vilapta.’
2 Hê porim sogllê foujek tea zoitachea disa sogllem dukhuch zalem, kiteak raza aplea puta pasot roddta mhonn foujek khobor pavli.
3 Ani har gheun lojen ghora portotat tea loskoram porim, hi fouz gopchup xarant portun geli.
4 Razan aplem tondd dhamplem ani vhoddlea tallean to roddunk laglo, ‘Mhojea puta Absalanv! Absalanv mhojea puta! Mhojea puta.’
5 Joaban razachea mahalant ieun mho-llem, ‘Tujem, tujea putanchem dhuvan-chem, tujea ghorkarnichem ani tujea dovorlolea bailanchem jivit rakhlolea sogllea tujea sevokank aichea disa tun-vem lojent ghalim.
6 Tuzo dvês korto-leancho tunvem mog keloi ani tuzo mog kortoleancho dvês keloi. Odhikariank ani soinikank, tum koslench mhotv dinaim mhonn aiz tunvem dakhol keleim. Absa-lanv jivo aslolo ani ami soglle morun gel’le zalear, tum khuxal astoloi aslo oxem mhaka dista.
7 Mhonnttôch atam utth, raj mhalantlo bhair sor ani tujea sevokam kodde moipasan uloi. Sorves-porachea nanvan sangtam. Tum tor rajmahalantlo bhair soronaim, aiz rat zata mhonnosor ekui soinik tujea sangata aschona. Bhurgeaponnar tem aiz meren tujer ailolea vaittam modem, hem soglleam von vhodd vaitt zato-lem.’
8 Mhonnttôch raza utthlo ani darvonttea-xim boslo. Ani sogllea lokak hi khobor mell’lli, ‘Polleiat, raza dar-vonttea-xim bosun asa.’ Mhonnttôch soglli porza raza mukhar aili. Kiteak Israelacho dôr-êk monis ap-aplea tombunt pollun gel’lo.
9 Israelachea sogllea kullamnim, lokam modem uzôt zali. Tim oxem mhonnttalim, ‘Raza Davidan amkam dusmanachea hatantlim nivarlolim ani Filistevka-ranchea chopkeantlim vattailim. Ani atam to Absalanva khatir desantlo pollun gela.
10 Amchê voir raza mhonn makhlolo to Absalanv zhuzant morun gelo. Davidak amchê modem portun haddunk konnuch kiteak fuddem sorona?’
11 Davidan Sadok ani Abiatar iadnikak ho sondêx dhaddlo, ‘Judeia prantant-lea zantteank oxem sangat, Razak ghora haddunk kiteak fattim ravtat? Israel desant thaun razak sondêx aila.
12 Tumi mhojim bhav-bhoinnam. Tumi mhojem mas-rogot. Tôr tumi razak ghora haddunk kiteak fattim ravtat?
13 Ama-sak oxem mhonnat, Kitem tum mhojea rogta-masacho nhoi? Hanv tôr tuka Joabachê svater sodankal foujecho fuddari korina zalear, Sorvespor mhaka vhoddli khast favo korum. ’
14 Oxem Davidan Judant ravtolea soglleanchim kallzam apnna vatten ôddun haddlim. Haka lagon tãnnim razak oso sondêx dhaddlo, ‘Tujea sevokank gheun tum portun ie.’
15 Mhonnttôch raza porot gelo ani Jordanant pavlo. Razak mellunk ani taka Jordan nôd pahr korunk sangat diunk Judacho lok Gilgalant ailo.
16 Bahurim’ nograntlo, Benjaminachê kulliecho, Geracho put Shimei, Judachea loka borabor David razak mellunk suddsu-ddaien denvun ailo.
17 Tachê borabor Benjaminache kullieche êk hozar monis, Sauluchea kuttumbantlo sevôk Shiba, tache pondra put ani vis sevok tachê borabor asle. Te Davida adim Jordan nodi-xim pavle.
18 Razachea dolleam mukhar borem tem korunk, eka voddean razachea ak’khea kuttumban pahr kelo. Jedna raza nôd pahr kortalo, tedna Geracho put Shimei, razache paim poddlo.
19 Ani razak mhollem, ‘Mhojer guneanv thapcho nhoi. Jea disa mhozo dhoni raza Jerusaleantlo bhair sorlo, tea disa tujea sevokan kel’lo oprad razan kallzan ballgun dovorcho nhoi.
20 Hanvem chukh adarli mhonn hanv zanno saiba. Dekhunuch Juzechea kullantlo poilo monis razak mellunk denvun ailam.’
21 Zeruiachea putan Abishaian zap diun mhollem, ‘Shimeian Sorvesporachea makhloleacher xirap sôddleat. Haka lagun taka mornnachi khast favo nhoi?’
22 Davidan mhollem, ‘Zeruiachea putamnô, aiz mhojê khuxê add vochunk tumkam kiteak poddlam? Aichea disa Israelant konnak mornnachem formonn dium ieta? Hanv Israelacho raza mhonn, aiz hanv khoreannich zanno.’
23 Mhonnttôch razan Shimeiak mhollem, ‘Tum morchonaim.’ Oso razan taka soput dilo.
24 Tednanch, Saulucho natu Meribbaal, razak mellunk denvun ailo. Jea disa raza Jerusaleantlo bhair sorlo, tea disa thaun tem aiz porian tannem aple paim dhuvunk nasle, aplem khadd barik korunk naslem, nhoi mhunn aplim angavllim-i dhunvunk naslim.
25 Meribbaal razak mellunk Jerusaleak ailolo, tedna razan taka vicharlem, ‘Meribbaal, tum mhojê borabor kiteak vochunk na-i?’
26 Tannem zobab dilo, ‘Mhojea dhonia raza saiba, tujea chakran mhaka fottoilo. Kiteak tujea chakran taka mhollem, Bosun raza-xim vochunk mhojê khatir gaddum toiar kôr kiteak tuzo chakôr donui paiamnim thontto.
27 Punn tannem tujea sevo-kak, mhojea dhonia raza mukhar, tujea chakrak okmanailo. Punn mhozo dhoni raza Sorvesporachea duta sarko. Mhonnttôch tujea dolleam mukhar borem tem kôr.
28 Mhojea bapaichea ghoranneant, mhojea dhonia raza mukhar moronn favo. Tori astana, tanchê modlea, tujea sevokak tujea mezar jevunk dilem? Mhonnttôch, raza koddchem hachê von odik magunk, mhaka koslo hok’kh asa?’
29 Ani razan taka mhollem, ‘Tum heô khobrô novean kiteak uloitai? Hanvem oxem tharailam, Tunvem ani Ziban zomin vanttun gheunchi.’
30 Punn Meribbaalan razak mhollem, ‘Mhozo dhoni raza porot xantin aplea ghora aila mhonnttôch, Zibachean sogllem vhorum ieta.’
31 Gilead nograntlo Barzillai Rogelim’ thaun denvun ailo. Ani Jordan nôd pahr korunk adar diunk Jordanant ailo.
32 Barzillai chodd mhataro aslo. Tachi pirai oixim vorsam asli. Raza Mahanaim ravtalo tedna, tannem tachem udarpo-sonn kel’lem, kiteak to maha monis aslo.
33 Ani razan Barzillaiak mhollem, ‘Tum mhojê borabor nôd utrun io. Ani hanv Jerusaleant mhojê borabor tujem udarposonn kortolom.’
34 Barzillaian razak mhollem, ‘Mhojea dhonia borabor Jerusaleant vochunk, mhoje anik kitle dis urleat?
35 Aiz hanv oixim vor-sancho zalam. Borea ani vaitta modem, mhojean atam vivekunk zata? Aiz mhaka khaunchi-pieunchi anik ruch urlea? Dadlea-bailanchem modhur gaion mho-jean anik aikum ieta? Oslê poristitint mhojea dhonia razak tuzo sevôk êk bhar kiteak zauncho?
36 Jordan pahr korun, tuzo sevôk thoddich vatt tujê borabor cholunk xoktolo. Razan mhaka edem vhoddlem inam’ kiteak diunchem?
37 Upkar korun tujea sevokak porot vochum-di ani aplea avoi-bapaichê somadhi-xim morum-di. Punn tujea sevoka Kimham’, mhojea dhonia raza borabor vochum-di. Tujê nodrê mukhar tuka borem dista tem tunvem korchem.’
38 Davidan zobab dilo, ‘Kimham mhojê borabor vetolo. Tujê nodrê mukhar borem tem, hanv tachê thaim kortolom. Ani kosli-i vost ji tum mhojê lagchean agchi, ti tuka melltoli.’
39 Ani sogllea lokan Jordan nôd pahr keli. Ani jedna razan nôd pahr keli, tedna tannem Barzillaiacho umanv ghetlo ani taka axirvad dilo. Ani to aplea ghora portolo.
40 Raza Gilgalant gelo ani tachê borabor Kimham’ gelo. Judacho sogllo lok ani Israelachea ordhea lokan razak sangat dilo.
41 Tedna Israel desantlo lok raza-xim ailo. Tãnnim razak mhollem, ‘Am-chea bhavamnim, Judachea mon’xam-nim tuka chorun kiteak vhelo? Tuka, tujea ghoranneak, tujea mon’xank apnna borabor nôd utrunk kiteak haddle?’
42 Judachea mon’xamnim, Israelachea mon’xank oso zobab dilo, ‘Ami oxem kelem kiteak raza amcho lagxilo soiro. Hea khatir tumi kiteak itle ragan bhorleat? Ami razachea kustar jieleanv? Vô tannem amkam koslem tori dan dilam?’
43 Israelantlea mon’xamnim Judachea mon’xank oso zobab dilo, ‘Razachea rajeant amkam dha vantte asat. Ani haka lagun amkam Davida vixim odik hôk asa. Oxem astanam-i, tunvem amkam kiteak kikont kele? Razak porot haddunk, ami soglleam von poili budh diunk nasli?’ Punn Judachea mon’xanchim utram, Israelachea mon’xanchea utram poros, odik khor aslim.
Samuelachem Dusrem Pustok - Chapter: 20
1 Gilgalant, Sheba nanvacho êk hotto monis aslo. To Ben-jaminachê kulliecho Bikricho put. Tannem kornno vazoilo ani mhollem: Davida sovem amkam vantto na, nhoi mhonn Jes’sechea puta sovem amkam daiz na. Israel porjê, dôr-eka mon’xan aplea tombun vechem.
2 Mhonnttôch Israelachea dôr-eka mon’xan, Davidacho pattlav korpachem soddun dilem ani Bikrichea puta Shebacho pattlav kelo. Punn Judacho lok, Jordan tem Jerusalem porian, aplea razak chikttun ravlo.
3 Ani David, Jerusaleant aplea raj mhalant portolo. Razachi rakonn korunk pattim dovorlolea dha ostoreank razan ghetlim ani tankam koidi korun ghorant dovorlim. Tannem tankam jevonn dilem punn tanchê thaim kuddicho sombondh zôddlo na. Tim aplo mornnacho dis porian, vidva koxim jieun tea ghorant bond urlim.
4 Tedna razan Amasak mhollem, ‘Tin disam bhitôr, Judachea mon’xank mhojê-xim zoma kôr ani thoim hajir za.’
5 Mhonnttôch Amas Judachea mon’-xank ektthaunk bhair sorlo. Punn Davidan dil’lo tea von odik vêll tannem ghetlo.
6 Davidan Abishaiak mhollem, ‘Bikricho put Sheba amkam Absalanva-von odik vaitt kortolo. Tujea dhonia-chea sevokank ghe ani tanchê pattik lag. Na zalear to kil’lean veddho ghal’lea xarant vochot ani amchê nodrek chu-kot.’
7 Abishaiachea fattlean Joabache monis, Keritit, Keletit ani soglle bollvont monis gele. Te Jerusaleantle bhair sorle ani Bikrichea puta Shebachê fattik lagle.
8 Jedna te Gibeoant aslolea vhoddlea khoddpa-xim pavle, tedna tankam Amas bhettlo. Joab soinikachi nhesonn ghalun aslo. Tachea benddak êk potto aslo ani potteak êk tolvar asli. Joab fuddem sorlo toso, tolvar zomnir poddli.
9 Joaban Amasak mhollem, ‘Mhojea bhava tum boro asai mum?’ Amasacho umo gheunchê khatir, tannem aplea uzvea hatan tachem khadd dhôrlem.
10 Punn Amasan Joabachea hatan aslolê tolvaricher aplem lokx ghatlem na Mhonnttôch tannem tachea pottant apli tolvar rombhoili. Tacheô antkoddiô zomnir ximpddaileô ani tacher porot akromonn kelem na. Ani to melo. Mhonnttôch Joab ani tachea bhava Abishaian Bikrichea puta Shebachi patt dhôrli.
11 Joabachea mon’xantlo eklo Ama-sachê kuddi-xim ubo ravlo ani tannem mhollem, ‘Jea konnak Joab man’ta, zo Davida vatten asa, tannem Joaba pattlean vechem.’
12 Amasachi rogtan bhôrloli kudd, raj margar poddloli asli. Ieto-veto lok thoinch ubo asa to polleun, Joabachea mon’xan Amasachi kudd rajmargaveli kaddun xetant uddoili ani tacher ek lugott uddoilem.
13 Taka rajmargavelo kaddtôch, Bikrichea puta Shebachi patt dhôrunk sogllo lok Joaba pattlean gelo.
14 Ani Sheba, Israelachea sogllea ku-llamnim Abel Betmakak ani Beritachea kulla meren gelo ani te soglle ektthovle ani te tachê pattlean gele.
15 Tedna Joabache soinik aile ani Betmak-achea Abelan taka veddo ghalo. Tãnnim xarachê vontti add êk ramp ubarlem ani Joaba borabor sogllea lokan vonnot sokla uddounchê khatir ti dhaddaili.
16 Tedna xarant thaun êk budhvont ostoren bobatt marli, ‘Aikat. Aikat. Upkar korun, Joabak hanga ie mhonn sangat. Mhaka tachê kodde ulounk zai. ’
17 Tedna Joab tichea fuddeant ailo tedna tinnem vicharlem, ‘Tum Joab?’ Tannem zobab dilo, ‘Hoi, hanv to.’ Tedna tinnem taka mhollem, ‘Tujea chakornichea utrank kan dhi.’ Tannem zap dili, ‘Uloi, hanv aikotam.’
18 Ani tinnem mhollem, ‘Adlea kallar lok oxem mhonnttalo, Budh gheunk sôdta tãnnim Abel nogrant vechem. Ani oso tãnnim aplo khottlo sompoilo.
19 Hanv Israelant axil’lea xantichea ani visvaxi mon’xam modli ekli. Ani atam tum, Israelachea hea mha-nograchem ni-sontton korunk sôdtai? Sorvespora-chea daizachem tum kiteak nisontton korunk sôdtai?’
20 Joaban zap diun mhollem, ‘Hanvem oxem korchê tallnentlo Sorvespor mhaka nivarum.
21 Amchi hi ievzonn nhoich. Bikricho, Sheba nanvacho put Dongra-mathear aslolea Efraim desantlo to. Tannem amchea raza, Davida add bondd korunk suru kelam. Hea ekach mon’xak amchê adhin korat, ami rokddech tumchem xar sôddun vetoleanv.’ Ani tinnem Joabak mhollem ‘Tachi tokli ami vonttivoilean tujê fuddeant uddoitoleanv.’
22 Tedna ti ostori aplê zannvaien loka sorxim geli. Tãnnim Bikrichea puta Shebachi gomtti katorli ani ti Joaba-xim uddoili. Ani tannem kornno vazoilo ani zonn eklo xarantlo bhair sorun aplea tombunt gelo. Ani Joab, Jerusaleant raza-xim portolo.
23 Joab, Israelkaranchê foujecho mukheli aslo. Jehoiadacho put Benaia, Keritit ani Peletit hancher aplo odhikar choloitalo.
24 Ani Adoram kamdoran-cher zobabdari choloitalo. Ahihedacho put Jehoshapat chittnis aslo.
25 Sheba xastri aslo. Zadok ani Abiatar, iadnik.
26 Ani Jair nograntlo Ira-i, Davidacho iadnik aslo.
Samuelachem Dusrem Pustok - Chapter: 21
1 Tedna Davidachê razvôttkent eksarkim tin vorsam dukôll poddlo. Davidan Sorvesporak, hachem karonn vicharlem. Ani Sorvesporan zap dili, ‘Saul ani tachem ghorannem guneanvkar kiteak tannem Gibeonitank marun uddoile.’
2 Ani razan Gibeonitank apoun haddun, tankam mhollem. Gibeo-nit lôk Israel zatiche nhoi asle. Te Amonit zaticho uril’lo vantto zaun aslo. Zorui Israelkaramnim tancho nas korcho na mhonn soput dil’lo, torui Saulun Israelantlea ani Judeiachea lokachea boreponna khatir, tankam marunk proitn kelo.
3 Haka lagun Davidan Gibeonitank mhollem, ‘Tumchê pasot hanvem kitem korchem? Sorvesporachea daizacher tumi axirvad magchê pasot, hanvem koxem farikponn diunchem?’
4 Tãnnim zobab dilo, ‘Amkam Sauluchem vô tachea ghoranneachem bhangar naka; nhoi mhonn Israelant tunvem konna-choch jiv kaddlolo amkam naka.’ Ani tannem mhollem, ‘Tumi mhonnttat toxem hanv kortolom’.
5 Tãnnim razak zobab dilo, ‘Zo monis amkam girasunk sôdtalo ani Israelachea xima bhitôr jietoleank nattak korunk manddnniô ievjitalo,
6 tea mon’xachea putam modle sat zann amchê adhin korche. Ani ami tankam Sorvesporan rochun kaddlolea Sauluchea Gileant, Sorvespora mukhar tankam faxer kaddtole.’ Ani razan mhollem, ‘Hanv tankam tumchê adhin kortolom.’
7 Apnnem ani Jonathanan kel’lê bhasavnnecho ugddas monant haddun, Davidan Jonathanachea puta ani Sauluchea natva Meribbaalacho jiv rakhlo.
8 Punn tannem Armoni ani Meribbaal, Aiachê dhuvê Rizpa kodd-sun, Sauluk zolmol’lea dogam putank ani Sauluchê dhuvê Nikala koddsun Meholachea Brazillaiachea putak Adrielak zolmol’lea panch putank ghetle.
9 Davidan tankam Gibeonitan-chea hatant ghale ani tãnnim tankam Sorvespora mukhar dongrar faxer cho-ddoile. Ani te satu-i zonn borabor mele. Hem lunvnnechea poilea disamnim, zov lunvnnechê survek hem ghoddlem.
10 Uprant Aiachê dhuven Rizpan saka-tto ghetlo ani to apnna khatir khoddpar pattllailo. Luvnni suru zali tem pavsallo ie porian ti thoim bosun ravli. Ani disa-chim, vareavelea suknneank, tancher visôv gheunk ani ratchim, ranvotti zonavorank lagim sorunk tinnem dilem na.
11 Rizpan kitem kelem tem Davidak kollit zalem.
12 Ani David gelo ani Jabesh Gileada-chea mon’xam koddlim Sauluchim ani tachea puta Jonathanachim haddam apnnachê adhin kelim. Jea disa Filistev-karamnim Sauluk marun uddoilolo ani tachea puta borabor taka umkollailolo, tedna hea mon’xamnim Betshean vatta-rantlim tim chorun vhel’lim.
13 Ani tannem thoim thaun Sauluchim ani tachea puta Jonathanachim haddam haddlim ani tãnnim umkalloileanchim haddam ektthailim.
14 Uprant tãnnim Sauluchim ani tachea puta Jonatha-nachim haddam Benjamin prantantlea Zela nogrant, Sauluchea bapui Kisha-chê somadhint nikhipilim. Ani tãnnim sogllem razachê hukumê pormannem kelem. Ani tea uprant desa pasot Sor-vesporak prarthon kelem.
15 Hachê bhair Filistevkaramnim anink êk pavtt zhuz manddlem. David ani ta-chê borabor tache sevok, Filistevkaram add zhuzle. David mat samko thoklo.
16 Tedna Rafacho put, rakesanchea putam modlo, konn eklo aslo. Tachea baleachem vozon sumar sadde tin kil aslem. Tachea benddak novi tolvar asli. Davidak marun uddoitoloch mhonn taka visvas aslo.
17 Punn Zuruiacho put Abishai, Davidachê mozotik ailo ani tea rakêsa add akromonn korun taka jivexim marlo. Tedna Davidachea mon’xamnim taka soputa khal mhollem, ‘Tum amchê borabor hea fuddem anik zhuzak vecho naim. Oso Israelacho uzvadd nopoit zauncho na.’
18 Hachê uprant Gob mhonnttat thoin-sor, Filistevkaram add anink êk pavtt zhuz suru zalem. Thoim Hushachê kullientlea Sibekaian Saf nanvachea rakesachea putam modleak jivexim marlo.
19 Anink êk pavtt Gobant Filistevkaram add zhuz suru zalem. Ani Bethlemantlea Jairachea puta Elhanan Gathantlea Goliatak jivexim marlo. Tachea balea-chem pont suiê sarkem.
20 Toxench Gath nogrant anink ek zhuz suru zalem Thoim êk rakêsachê kullientlo khoddegant monis aslo. Tachea ek-eka hatak ani êk-êk paiank sov bottam aslim, sogllim mellun chovis bottam.
21 Jedna tannem Israelak avhan dilem, tedna Davidachea bhava Shimeiachea puta Jonathanan, taka jivexim marlo.
22 Oxem Gathantlea rakesak zolmol’lea charui zonnank, Davidachea ani tachea sevokanchea hatantlean moronn ailem.
Samuelachem Dusrem Pustok - Chapter: 22
1 Jedna Davidak Saul ani tachea dusrea dusmanantlea hatantlo vattailo, tedna tannem Sorvesporak hem git gailem. Tannem mhollem:
2 Sorvespor mhojem khoddop, Mhozo kil’lo ani soddvonnar.
3 Mhozo Sorvespor mhojem khoddop To mhozo ddhall, To mhozo bolixtt adari Mhozo kil’lo, mhozo asro Mhozo Soddvonnar, Tum mhaka hinvsentlo rakhta.
4 Hanv Sorvesporak ulo martam, Mhojea dusmanachea hatantlo To mhaka nivarta.
5 Mornnachim lharam sorvbhonvtim Mhojer upraslim Nisonttonachea lottan Mhojer kampero haddlo.
6 Norkachea sanklleamnim mhaka bandlo Mornnachea bandpasamnim mhaka dhôrlo
7 Akantachea vellar hanvem Sorvesporak ulo marlo Aplea mondirant sun Tannem mhozo tallo aikolo Mhojem prarthon Tachea kanar poddlem.
8 Tedna prithum’ hal’li ani thorthorli, Buneadi soit dongor kolkol’le
9 Tachea nakachea puddantlean dhunvor bhair sorlo Ani tachea tonddantlean girastolo uzo, Tachea dogan kollxeank pettlo uzo
10 Mollob bagaun, To denvun ailo Tachea paiam tolla Kallem-kitt kup
11 To kerubincher bosun, uddlo. To ubun ailo.
12 Tannem apnnakuch kallokan pangurlo Aplo tombu kelo
13 Tachê mukhar loklokit porzôll
14 Mollba thaun Sorvespor ghodd-ghoddlo
15 Aple bann sôddun tankam duspottaile Viz dhaddun, tancho nas kelo.
16 Sorvesporachê dhomkavnnecho avaz ghonnghonnlo Tachea nakachea puddantlean Ragacho dhunvor suttlo Doriachi bhatti dixtti poddli Prithumechi buniad ukti zali.
17 Unch thaun voddôv ghalun, Tannem mhojea hatak dhôrlo, Anvorachea lottantlo mhaka voir kaddlo.
18 Mhojea bollixtt xotruchea chopkeantlo Tannem mhaka soddoilo.
19 Mhojea sonkoxttachea disa, Punn Sorvespor mhozo dhir-adar zalo.
20 Tannem mhaka sôddoilo Ani mekllea mollar haddlo. Mhozo mog korta mhonn Tannem mhaka nivarlo.
21 Sorvesporan mhojea promannikponnachem Mhoje hat nitoll mhonnun Tannem mhojer axirvad ghalo.
22 Kiteak hanv Sorvesporachê vatter chol’lam Vaitt korun, Tachê sorxilo koddsorunk na.
23 Tache nivadde soglle mhojê mukhar asat. Tachea hukumachi hanvem beporva keli na.
24 Tachê mukhar hanv promannikponnan chol’lam Vaitta sorlom hanv pois ravlam.
25 Promannikponnan hanv chol’lam dekhun Ani mhojeô kornneô Tachea dolleam mukhar nitôll dekhun Sorvespor mhaka inam’ dita
26 Visvaxiponnan cholta tanchê thaim, tumi-i visvaxi
27 Nirmoll mon’xam thaim, Tum-i nirmoll Naddbudhi kortoleam thaim, Tum odik budhvont
28 Tum khaltiank samballtai, Punn podvedarank khala apttitai.
29 Sorvespora, Tum mhoji divtti Mhojea Deva, mhojea kallokhant Tum uzvadd ditai.
30 Tujea sangata, hanv khoinchei foujecher zoit vhortolom Khoincheai kottachim durgam hanv choddtolom.
31 Sorvesporachi vat nitt-soroll Apnnacher visvas thevtoleank, To ddhal.
32 Sorvespora bhair anink Dev asa?
33 Sorvespor mhojem boll ani ghottai
34 Merva porim mhoje pãi suddsuddit korta, Porvotancher To mhaka thir ubo korta
35 Mhoje hat tannem zhuzak toiar kele Kannxeache dhonu bhagaunk, Mhoje bavle ghottaile.
36 Tujê rakhnnecho ddhall, Tujea boreponnan mhaka vaddoilai
37 Mhoje pãi nisrun poddona zaunk, Mhojea panvlank Tunvem rund marog korun dileai,
38 Mhojea dusmanachê pattik lagun, Hanvem tancho nas kelo. Ani tancho nas kelea bogor, Hanv kodinch portunk na.
39 Hanvem tancho nas kelo Ani tanchean uttunk nozo toso, Hanvem tankam mar dilo. Te mhojea paiam tolla poddle.
40 Bollacho komorbond bandunk Tunvem mhaka zhuzak toiar keloi. Ani mhojea virodhiank, mhoje khal damun dhôrle.
41 Mhojea dusmanank Tunvem dhanvddaile
42 Tãnnim mozôt sôdli Punn tankam vattaitolo konn na zalo. Sorvesporak ulo marlo punn tannem zap dili na.
43 Tedna prithumevelê dhul’li sarki, Hanvem tanchi pudd keli. Rosteavelea chikla bhaxen, Tankam paiam tolla mostile
44 Mhojê porjechea zhogddeantlo Ani raxttram voir mhaka odhikar diloi Hanv vollkhonaslolom ti porza, Mhoji chakri korunk pavli.
45 Vilaiti raxttram mhozo hukum’ mandun ghetat
46 Videxi raxttram ang kaddtat Ani aplea kil’leantlim kampun bhair sortat.
47 Sorvespor jivo asa, To mhojem khoddop, Tachem Nanv vhodd zaum. Dev mhozo Soddvonnar Taka vakhann’nni favo zaum
48 Sorvespor mhojea dusmanancho sudd gheta
49 Mhojea dusmanachea hatantlo tum mhaka vattaitai Mhojea angar ietoleanchea mathear mhaka bosoitai, Zobordosti kortoleanchea chopkeantlo mhaka nivartai.
50 Hea pasot Sorvespora, raxttram modem Tuka nanvaddtolom Tujea Nanvachea manak, gitam gaitolom.
51 To aplea razak vhodd zoit dita Davidak ani tachê sonstik Sodam-sodankal.
Samuelachem Dusrem Pustok - Chapter: 23
1 Atam him Davidachim nimannim utram: David Jes’secho put oso uloita, Israel raxttracho suvadik gavpi Jakobachea Devan makhlolo, Devan voir ubarlolo monis oso uloita:
2 Sorvesporacho Atmo mhojê udexim uloita Tacho sobd mhojê jiber asa.
3 Israelacho Dev uloila, Israelachea khoddpan mhaka oxem sanglam: Mon’xancher Raj choloitolo, promannik zauncho. Dev-bhirantin raj choloitolo,
4 Kupam naslolê sokallim,
5 Mhojem ghorannem Sorvesporacher thir-ghott asa, Mhojê kodde sasnnak togta toslo korar kela. Mhojem dor-êk zoit ani anvddo To folladik korchona?
6 Nalaik mon’xank, kanttea vori, to poisaita. Kiteak te kednach hatan ektthaunk zainant.
7 Kiteak tankam konn hat laina Ani ujeant hulpaun, tancho bhosm kortat.
8 Him asat Davidachea fanki bollvont mon’xanchim nanvam: Hakmonant ravpi Ishbaal. To Tin-hancho odhikari aslo. Tannem attxim mon’xam add aplo bhalo pazun, ekach farak tannem jiv kaddlo.
9 Tin-antlo dusro fanki; Ahoh-chea ghoranneantlo, Dodo-hacho put Eleazar. Filistevkar zhuz manddunk ektthovlole tedna ani Israelache monis pollun gele tedna, To Davida borabor Pasdaminant aslo.
10 To utthlo ani hat thoko-sor itlo mar Filistevkarank ghalo ki tolvar tachea hatak chikttun urli. Tea disa Sorvesporan taka vhodd zoit dilem. Fokt lutt marunk, lok tachê fattlean porot ailo.
11 Hachê uprant Hararachê kullientlo Ageecho put Shama aslo. Êk pavtt Filistevkar zhuzak ektthaim zal’le. Thoim mosurachem ek xet aslem. Israelkar Filistevkaram sorxile pollun gele.
12 Punn Shama xetan modem ubo ravlo ani tachi rakhonn keli. Tannem Filistevkarank marun uddoile. Sorves-poran taka vhodd zoit dilem.
13 Pikê somoim tisantle Tin odhikari Adulamachê dholint, Davida-xim aile. Palestini fouz, Rafaim’ falkeant pennem korun asli.
14 Tea somoiar David kil’leant aslo. Filistevkarancho mandd Bethlehemant aslo.
15 Axeun Davidan mhollem, ‘konn mhaka darvonttea-xim aslolê Bethlehemachem bãichem udok kaddun ditolo?’
16 Tedna teg bollvont monis Filistevkaranchê foujent gusle ani darvonttea-xim aslolê Bethlehema-chê bãichem udok kaddlem ani Davida-xim haddlem. Punn Davidan udok pieunk nhoikar dilo. Ani tannem tem Sorvespora mukhar ôtlem.
17 Tannem mhollem, ‘Sorvespora, oxem hanv ked-nanch korchona. Aplo jiv sonkottant ghalun gel’lea mon’xanchem rogot tem.’ Mhonnttôch to tem udok pieunk na. Heô vostu tea tegam bollvont mon’-xamnim keleô.
18 Zeruiacho put ani Joabacho bhav Abishai Tis-ancho odhikari aslo. Êk pavtt tannem tin’xim mon’xancher aplo balo ubarun, tankam marun uddoile. Hê toren apnnak Tis-am modem fanki kelo.
19 Tis-am modem taka odik man aslo. Haka lagun to tancho fuddari zalo. Punn to Tin-am borabor eksarko naslo.
20 Kabzul nograntlea Jehoiadachea puta, Benaian vhôdd vhôdd vostu kel’leô. Tannem Moab desantle, xinvam sarke dogam mon’xank marun uddoile. Êk pavtt, borof poddtalem tea disa, tannem dhôlint modekot vochun eka xinvacho jiv kaddlo.
21 Toxench tannem anglotin mozbut axil’lea Ejiptkarak marun uddoilo. Hea Ejiptkarachea hatan êk bhalo aslo. Punn Benaia danddo gheun tachê-xim gelo ani Ejiptkarachea hatantlo balo kaddun gheun, tacheach balean taka jivexim marlo.
22 Johaida-chea puta Benaian heô vostu keleô ani tegam bollvont mon’xam modem, ap-nnak nanv melloilem.
23 Tis-am modem taka odik man aslo punn Tegam borabor to eksarko naslo. Aplea rakhonddara voir Davidan taka odhikar dilo.
24 Joabacho bhav Asael tis-antlo eklo aslo. Uril’leanchim nanvam oxim: Tis pongddant dusre vangddi asle te he: Joabacho bhav, Asahel, Bethlehemachea Dodoacho put Elhanan,
25 Harod hangache Shammah ani Elika,
26 Pelet hangacho Helez, Tekoachea Ikkeshacho put, Ira,
27 Anathoth, hangacho Abiezer, Hushah hangacho, Mebunnai,
28 Ahoh hangacho Zalmon, Netofah hangacho, Maharai,
29 Netofahchea Baanahcho put, Heleb, Benjamin kullantlea, Gibeah hangachea, Ribai hacho put, Ittai,
30 Piraton hangacho, Benaiah, Gaash lagsarlea painddintlo Hiddai,
31 Arabah hangacho, Abialbon, Bahurin hangacho, Azmaveth,
32 Shallbon hangacho, Eliahba,
33 Jashenache put, Zonasstan, Harar hangacho, Shammah,
34 Hararachea Shararacho put, Ahiam, Gilo hangachea Ahithopelacho put, Eliam, Maakah hangachea Ahasbai hacho put, Elifelet,
35 Karmel hangacho, Hezro, Arab hangacho, Paarai,
36 Zobah hangachea Nathanacho put, Igal, Gad hangacho Bani,
37 Ammon hangacho, Zelek, Beeroth hangacho, Joabacho angtrann samballpi Naharai,
38 Jattir hanganche Ira ani Gareb,
39 Uriah Hitit. Soglle mellun sat’tis asle.
Samuelachem Dusrem Pustok - Chapter: 24
1 Sorvesporacho rag Israelacher pettlo. Tannem Davidak Israela add huskailo ani mhollem, ‘Voch ani Israelachi toxench Judachi lôkgontti kor.’
2 David razan Joabak ani tachê borabor aslolea loskoranchea fudda-riank sanglem, ‘Dan ganva thaun Beer-sheba porian vochat ani Israelachem êk punn kull chukoinastana sogllea lokak mêzat; hê porim lôk kitlo asa tem gom-tolem.’
3 Joaban razak mhollem, ‘Mho-jea Dhonia razache dolle ugte aso-sor, lok kitlo-i asum, Sorvespor Tuzo Dev tankam xembor pavtti choddoum. Punn mhojea Dhonia razak hantunt koslem boreponn asa?’
4 Toripunn razan Joa-bacher ani foujechea odhikareancher apli adnia thapli. Ani Israelachi lôkgo-nnti korunk, Joab ani foujeche odhikari raza mukhavele koddsorun gele.
5 Tãnnim Jordan nôd par keli ani Aroie-rant Gad nodiche modekot ani Jazera vatten aslolea xarachê uzvê vattek pennem kelem.
6 Thoim thaun te Gilea-dant ani Kadesh hea Hititanchea nog-rant aile. Tea magir te Dan nogrant aile ani Dan thaun Sidonant pavle.
7 Ani te Tirachea kil’leant aile. Ani Hivitanchea toxench Kanaanitanchea nogramnim vochun, Judachê dokhinnik Beetsheba porian pavle.
8 Sogllo dês bhonvun zatôch, nnov mhoine ani vis disam uprant te Jerusaleak portole.
9 Lokachi sonkia kitli zali ti Joaban razak gomoilem; Israelant aplea hatamnim tolvar dhôri-sarke atthxim hozar zhuzari mell’lle ani Judachê porjê modem pãixim hozar dadle.
10 Magir, lokak mêzlo dekhun, Davida-chem ontoskornn taka khaunk laglem. ‘Hanvem kelem tem ek vhodd patok; punn atam, Sorvespora, Tujea sevoka-cho guneanv bhogôs mhonn hanv prarthun magtam, kiteak mhojea nennarponnan hanvem hem vaitt kelem.’
11 David sokallim utthlo tedna, taka Devache sondex haddi tea Gad provadiak Sorvesporan oso sondêx dilo:
12 ‘Voch ani oxem Davidak sang, Sorvespor oxem mhonntta: Tin vostu Hanv tujê mukhar ghaltam; tantli êk vinchun kadd ani ti Hanv tuka korto-lom. ’
13 Mhonnttôch Gad Davidachea fuddean gelo ani tannem to nirôp Davidak kolloilo, mhonnun, ‘Tuka kitem zai?: tin vorsam tujea desant bhuk; vô tin mhoine tujê pattik lagtolea dusma-na mukhar tunvem pollun vechem; vô tin dis tujea desant pidda? Atam chintun polle ani mhaka dhaddla Taka koslo hanvem zobab diuncho tem sang.’
14 Tedna Davidan Gadak oso zobab dilo, ‘Kitem korchem tem mhaka somzoch na; mon’xanchea hatant poddchê svater Sorvesporachea hatant poddlear odik borem, kiteak vhôdd Tachi doia.’
15 Ani Davidan pidda vinchun kaddli. Tea disamnim gonvachi luvnni kortale. Tê sokallim thaun tem nemlolo vêll porian, Sorvesporan Israelacher pidda dhaddli ani Dan tem Beersheba porian sot’tôr hozar dadle mele.
16 Jerusalea-chem nisontton korunk Devdutan aplo hat ubarlolo, punn hem nisontton polleun Sorvespor churchurlo ani porjecho sotianas kortolea dutak mhollem, ‘Atam puro; tuzo hat sokol kadd.’ Sorvesporacho dut Arauna mhonnlolea Jebusitachea mollnnechea follea-xim pavlolo.
17 Porjechem nisontton kortolea Devdutak polleun Davidan Sorvesporak mhollem, ‘Polle, patki to hanv; hem vaitt kortub kelam tem hanvench; punn hea babddea xelliamnim kitem kelam? Tuji khast mhojer ani mhojea ghoranneacher poddum.’
18 Tea disa Gad, Davida-xim ailo ani taka mhollem, ‘Chol Jebuz kulliechea Araunachea mollnnechea follar Sorvesporak êk vedi ubar.’
19 Gadan sanglolem toxem Sorvesporachê hukumê pormannem, David thoim gelo.
20 Atam Arauna gonv môlltalo. Jedna tannem voir nodor marli, tedna tannem raza ani tache sevok apnna-xim ieta tem pollelem. To lagim sorlo ani razachea paiam-xim zomnir sorpottlo.
21 Araunan vichar kelo, ‘Mhozo Dhoni raza aplea sevoka-xim kiteak ailai?’ Davidan zobab dilo, ‘Lokamveli pidda pois zaunk, Sorvesporak êk vedi bandchê khatir, hanv tujem môllnechem foll viktem gheunk ailam.’
22 Araunan Davidak mhollem, ‘Mhojea Dhonia razak tem vhorum-di ani taka borem dista tem bhettoum-di. Hulpailolea bolidana khatir, he polle boil asat, zollva khatir mollnne-chim hatiaram ani paddeanchim zuam.
23 Mhojea Dhonia razacho sevôk, hem sogllem razachê adhin kortam.’ Tea fu-ddem Araunan razak mhollem, ‘Sorves-por tuzo Dev, tuji bhettovnni mandun gheum.’
24 Razan Araunak mhollem, ‘Hanv tuka tachi kimôt farik kortolom. Funkott ghetloleachem dan hanv Sorvesporak bhettounchona.’ Mhonnttôch Davidan ponas rupeachea shekelank b , mollnne-chem foll ani boil vikte ghetle ani
25 Da-vidan Sorvespora khatir êk vedi bandhli. Thoim tannem hulpail’leô ani xanticheô boliô bhettoileô. Oxem desa khatir kel’lem magnnem Sorvesporan aikolem ani pidda Israela sorxili pois zali.
